୨୦୧୭ରେ ଉତ୍ତରାଖଣ୍ଡକୁ ଖୋଲା ମଳତ୍ୟାଗ ମୁକ୍ତ ବୋଲି ଘୋଷଣା କରାଯାଇଥିଲା,ଏବେ ୬୬ହଜାର ଘରେ ନାହିଁ ଶୌଚାଳୟ
ଡେରାଡୁନ୍ : ଉତ୍ତରାଖଣ୍ଡ ରାଜ୍ୟକୁ ଜୁନ୍ ୨୨, ୨୦୧୭ରେ ଖୋଲା ଶୌଚ ମୁକ୍ତ ବୋଲି ଘୋଷଣା କରାଯାଇଥିଲା । କିନ୍ତୁ ଏବେ ପର୍ଯ୍ୟନ୍ତ ୬୬ହଜାର ଘରେ ଶୌଚାଳୟ ନଥିବା ସୂଚନା ମିଳିଛି। ସ୍ୱଚ୍ଛ ଭାରତ ଅଭିଯାନରେ ଭାରତ ସରକାର ସବୁ ଘରେ ଶୌଚାଳୟ ତିଆରି କରିବା ନେଇ ଘୋଷଣା କରିବା ସହ ଏ ନେଇ ଲୋକମାନଙ୍କୁ ଅର୍ଥ ଯୋଗାଇ ଦେଇଥିଲେ । ଉତ୍ତରଖଣ୍ଡରେ ଥିବା ପ୍ରାୟ ୬୫,୬୬୪ଘରେ ଶୌଚାଳୟ ତିଆରି ପାଇଁ ଅର୍ଥ ଯୋଗାଇ ଦିଆ ଯାଇଥିଲା । ଯାହା ପରେ ୨୦୧୭ରେ ଉତ୍ତରାଖଣ୍ଡକୁ କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂହ ଖୋଲା ମଳତ୍ୟାଗ ମୁକ୍ତ ବୋଲି ଘୋଷଣା କରିଥିଲେ । କିନ୍ତୁ ଏବେ ସୂଚନା ଅଧିକାର ଆଇନ ମାଧ୍ୟମରେ ମିଳିଥିବା ସୂଚନା ଏହି ଘୋଷଣାକୁ ମିଛ ବୋଲି ପ୍ରମାଣ କରିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରତି ଘରକୁ ଶୌଚାଳୟ ନିର୍ମାଣ ପାଇଁ ୧୨ହଜାର ଟଙ୍କା ଲେଖାଏଁ ଦିଆ ଯାଉଥିବା ବେଳେ ଏବେ ଆର୍ଟିଆଇ ଉତ୍ତରାଖଣ୍ଡର କେଉଁ ଜିଲ୍ଲାରେ କେତୋଟି ଶୌଚାଳୟର ଆବଶ୍ୟକତା ରହିଛି ତାହା ଜଣାଇଛି । ପୌରୀରେ ୫,୦୮୫, ବାଗେଶ୍ୱର ୧,୦୮୭,ଚମ୍ପାଓ୍ଵତ୍ରେ ୩,୩୦୨,ହରିଦ୍ୱାରରେ ୮,୨୦୩,ଉଧମ୍ ସିଂହ ନଗରରେ ୧୭,୦୦୪,ପିଠୋରାଗଡ଼ରେ ୩,୧୧୨,ଟେହ୍ରିରେ ୫,୮୦୧,ରୁଦ୍ରପ୍ରୟାଗରେ୨,୨୦୦,ଡେରାଡୁନ୍ରେ ୩୩୫,ଏବଂ ଉତ୍ତରାକ୍ସିରେ ୬,୫୨୮ଟି ଶୌଚାଳୟ ତିଆରି ହେବାକୁ ବାକିଥିବା ଜଣାପଡ଼ିଛି ।