ଦିଲ୍ଲୀରୁ ବମ୍ବେ ୧୦ ଘଣ୍ଟା: ରାଜଧାନୀ ଏକ୍ସପ୍ରେସ୍ର ବେଗ ଘଣ୍ଟାପ୍ରତି ୧୬୦ କିଲୋମିଟରକୁ ବଢ଼ାଇବ ଭାରତୀୟ ରେଳବାଇ
ନୂଆଦିଲ୍ଲୀ: ରାଜଧାନୀ ଏକ୍ସପ୍ରେସ୍ରେ ଦିଲ୍ଲୀ ଓ ମୁମ୍ବାଇ ମଧ୍ୟରେ ଯାତାୟାତ କରୁଥିବା ଯାତ୍ରୀମାନେ ଏଥର ସେମାନଙ୍କ ଗନ୍ତବ୍ୟସ୍ଥଳରେ ପୂର୍ବାପେକ୍ଷା ଶୀଘ୍ର ପହଞ୍ଚି ପାରିବେ। ରାଜଧାନୀ ଏକ୍ସପ୍ରେସ୍ର ବେଗ ଘଣ୍ଟାପ୍ରତି ୧୩୦ କିଲୋମିଟର୍ରୁ ୧୬୦ କିଲୋମିଟରକୁ ବୃଦ୍ଧି କରାଯାଉଥିବାରୁ ଦିଲ୍ଲୀ ଓ ମୁମ୍ବାଇ ରାସ୍ତାରେ ଯାତ୍ରା ସମୟ ୫ ଘଣ୍ଟାରୁ ଊର୍ଦ୍ଧ୍ୱ କମିଯିବ ବୋଲି ପଶ୍ଚିମ ରେଳବାଇ ନିଶ୍ଚିତ କରି କହିଛି।
Sambad is now on WhatsApp
Join and get latest news updates delivered to you via WhatsApp
ଏବେ ଦିଲ୍ଲୀରୁ ମୁମ୍ବାଇ ଯାତ୍ରା ସମୟ ୧୫. ୫ ଘଣ୍ଟା ଲାଗୁଥିବା ବେଳେ ବେଗ ବଢ଼ାଇବା ଦ୍ୱାରା ତାହା ୧୦ ଘଣ୍ଟାକୁ କମାଇ ହେବ।
ପଶ୍ଚିମ ରେଳବାଇ ଟୁଇଟ୍ କରିଛି: କେନ୍ଦ୍ର ସରକାରଙ୍କ ଅନୁମୋଦନ ପରେ, ମିସନ୍ ରଫ୍ତାର୍ ଅଧୀନରେ ଯାତ୍ରାସମୟ ପ୍ରାୟ ୧୦ ଘଣ୍ଟା ହ୍ରାସ କରିବାକୁ ରାଜଧାନୀ ଏକ୍ସପ୍ରେସ୍ ଘଣ୍ଟାପ୍ରତି ୧୬୦ କିଲୋମିଟର୍ ବେଗରେ ଯାତ୍ରା କରିବା ନିମନ୍ତେ ମୁମ୍ବାଇ-ଦିଲ୍ଲୀ ରାସ୍ତାର ଉନ୍ନତିକରଣ କରାଯିବ।
ଯାତ୍ରା ସମୟ ହ୍ରାସ କରିବା ନିମନ୍ତେ ୧୦୦ ଦିନିଆ ଆକ୍ସନ୍ ପ୍ଲାନ୍ରେ ଭାରତୀୟ ରେଳବାଇ ଦିଲ୍ଲୀ-ମୁମ୍ବାଇ ଏବଂ ଦିଲ୍ଲୀ-ହାଓଡ଼ା ରାସ୍ତାରେ ଯାତ୍ରା ସମୟ ହ୍ରାସ ପାଇଁ ପୂର୍ବାନୁମାନ କରିଛି।
ରଫ୍ତାର୍ ମିସନ୍ରେ ଦିଲ୍ଲୀ- ମୁମ୍ବାଇ, ଦିଲ୍ଲୀ-ହାଓଡ଼ା, ହାଓ୍ଵାଡ଼ା-ଚେନ୍ନାଇ, ଚେନ୍ନାଇ-ମୁମ୍ବାଇ, ଦିଲ୍ଲୀ-ଚେନ୍ନାଇ ଏବଂ ହାଓ୍ଵଡ଼ା-ମୁମ୍ବାଇ ଛଅଟି ପଥରେ ଯାତ୍ରାକାଳୀନ ସମୟ ହ୍ରାସ କରାଯିବାକୁ ଚିହ୍ନଟ କରାଯାଇଛି।