ନୂଆଦିଲ୍ଲୀ: ନୂଆଦିଲ୍ଲର ଅଲ୍ଲୀପୁର ନିକଟସ୍ଥ ଯମୁନା ନଦୀରେ ଗାଧୋଉ ଥିବା ସମୟରେ କେତେଜଣ ପିଲା ବୁଡି ଯାଇଥିବା ରବିବାର ଖବର ମିଳିଥିଲା। ବର୍ତ୍ତମାନ ସୁଦ୍ଧା ୪ ଜଣଙ୍କ ଶବକୁ ଉଦ୍ଧାର କରାଯାଇଥିବା ବେଳେ ୨ ଜଣଙ୍କ ଶବକୁ ଉଦ୍ଧାରକାରୀଦଳ ଖୋଜୁଛନ୍ତି । ନଦୀ ପାଖରେ ସ୍ଥାନୀୟ ପ୍ରଶାସନିକ ଅଧିକାରୀମାନେ ଉପସ୍ଥିତ ରହିଛନ୍ତି
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ରବିବାର ଛୁଟିଦିନ ଥିବାରୁ ହରିୟାଣାରୁ ୭ଜଣ ଛାତ୍ର ଯମୁନା ନଦୀରେ ଗାଧୋଇବା ଲାଗି ଦିଲ୍ଲୀ ଆସିଥିଲେ। ତେବେ ସେମାନେ ନୂଆ ହୋଇଥିବାରୁ ପାଣିର ଗଭୀରତା ଜାଣିପାରି ନଥିଲେ । ସାଙ୍ଗ ହୋଇ ସମସ୍ତେ ଗାଧୋଉଥିଲେ । ନଦୀରେ ପ୍ରବଳ ସ୍ରୋତଥିବା କାରଣରୁ ୪ଜଣ ପିଲା ସେହି ସ୍ରୋତରେ ଭାସିଯାଇଥିବା ଜଣାପଡିଛି ।
ଘଟଣା ସମ୍ପର୍କ ଖବର ପାଇ ସ୍ଥାନୀୟ ପୁଲିସ ଓ ଦମକଳବାହିନୀ ପହଞ୍ଚି ନାବାଳକମାନଙ୍କୁ ଖୋଜାଖୋଜି କରିଥିଲେ। ଏବେ ବି ସେଠାରେ ଉଦ୍ଧାରକାର୍ଯ୍ୟ ଜାରି ରହିଛି। ଯମୁନା ନଦୀରେ ବନ୍ୟା ପାଣି ଆସିଥିବାରୁ ସେଠାକାର ସ୍ଥାନୀୟ ଲୋକମାନଙ୍କୁ ଅନ୍ୟତ୍ର ସ୍ଥାନାନ୍ତରଣ କରାଯାଇଛି । ତେଣୁ ଯେଉଁ ସମୟରେ ଛାତ୍ରମାନେ ନଦୀରେ ବୁଡିଯାଇଥିଲେ ସେତେବେଳେ ସେମାନଙ୍କୁ କେହି ଉଦ୍ଧାର କରିପାରି ନଥିଲେ ।
ଉଦ୍ଧାରକାରୀ ଦଳର ଜଣେ ଅଧିକାରୀ କହିଛନ୍ତି ଯେ, ବର୍ତ୍ତମାନ ସମୟରେ ନଦୀରେ ଅକାତପାଣି ରହିଛି । ତେଣୁୂ ପାଣି ମଧ୍ୟରେ ଅଧିକ ସମୟ ରହି ନାବାଳକମାନଙ୍କୁ ଖୋଜିବା ସମ୍ଭବ ହୋଇ ପାରୁନାହିଁ । ତଥାପି ଆମେମାନେ ଚେଷ୍ଟା ଜାରି ରଖିଛୁ।