ଦୁଇ କୋଟିର ହୀରା ପାଇଲାପରେ ବ୍ରଜେଶଙ୍କର ଭାଗ୍ୟ ବଦଳିବ!
ପନ୍ନା: ମଧ୍ୟ ପ୍ରଦେଶର ପନ୍ନା ଜିଲ୍ଲାରେ ଏକ ଖଣିରୁ ବିଶ୍ୱର ଉଜ୍ୱଳମାନ ହୀରା ମିଳିଥିବାର ସୂଚନା ମିଳିଛି । ପନ୍ନାର କୃଷ୍ଣକଲ୍ୟାଣପୁର ଅଞ୍ଚଳର ବ୍ରଜେଶ କୁମାର ଉପାଧ୍ୟାୟଙ୍କୁ ୨୯.୪୬ କ୍ୟାରେଟର ଉଜ୍ୱଳ ହୀରା ମିଳିଛି । ଏହାକୁ ସେ ପନ୍ନାସ୍ଥିତ ହୀରା କାର୍ଯ୍ୟାଳୟର ଦାଖଲ କରିଥିବା ଜଣାଯାଇଛି ।ଏହି ହୀରାର ମୂଲ୍ୟ ଦେଢ଼ କୋଟିରୁ ଦୁଇ କୋଟି ଟଙ୍କା ହେବ ବୋଲି ଆକଳନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପନ୍ନା ଜିଲ୍ଲାପାଳ କର୍ମବୀର ଶର୍ମା ହୀରା ମିଳିବା ନେଇ ଖୁସି ଅନୁଭବ କରିଛନ୍ତି । ସେ କହିଛନ୍ତି, ହୀରା ନୀତିକୁ ସରଳୀକରଣ କରାଯିବ । ଏଥି ସହିତ ହୀରା ନିଲାମି ପ୍ରକ୍ରିୟାରେ ସଂଶୋଧନ ଅଣାଯିବ । ଏହାର ନିଲାମ କରାଯିବାପରେ ସରକାର ରୟାଲିଟି, କର ଆଦି ବାବଦ ଅର୍ଥ ରଖି ଅବଶିଷ୍ଟ ଟଙ୍କା ବ୍ରଜେଶ କୁମାର ଉପାଧ୍ୟାୟଙ୍କୁ ଦିଆଯିବ ବୋଲି ସେ ସୂଚନା ଦେଇଛନ୍ତି।
ଏଣେ ବ୍ରଜେଶ କହିଛନ୍ତି ଯେ ସେ ଖଣିରେ କାର୍ଯ୍ୟରତ ଥିବା ବେଳେ ଶୁକ୍ରବାର ଦିନ ଯେତେବେଳେ ଖଣିଜ ମାଟି ଧୋଉଥିଲେ, ସେହି ସମୟରେ ଚମକୁଥିବା ପଥର ପାଇଥିଲେ । ଏହାକୁ ହୀରା ଭାବି ବ୍ରଜେଶ ହୀରା କାର୍ଯ୍ୟାଳୟକୁ ନେଇ ଯାଇଥିଲେ । ଯାଞ୍ଚ ପରେ ଏହା ହୀରା ବୋଲି ଜଣାପଡ଼ିଥିଲା ।