କାମ କରିବା ବନ୍ଦ କରି ଦେଇଥିଲା ଯୁବକଙ୍କ ଯକୃତ, ୧୫ଟି କେନ୍ ବିୟର ବ୍ୟବହାର କରି ଜୀବନ ବଞ୍ଚାଇଲେ ଡ଼ାକ୍ତର ! ଜାଣନ୍ତୁ କ’ଣ ପାଇଁ ଏହି ଉପାୟ ବାଛିଲେ ଡ଼ାକ୍ତର
ନୂଆଦିଲ୍ଲୀ : ଭିଏତ୍ନାମର ଜଣେ ଯୁବକ ପ୍ରତିଦିନ ମଦ ପିଉଥିବାରୁ ତାଙ୍କ ଶରୀରରେ ତାହା ବିଷ ପାଲଟି ଯାଇଥିଲା । ଏହା ପରେ ସେ ହଠାତ୍ ଚେତାଶୂନ୍ୟ ହୋଇ ପଡ଼ି ଯାଇଥିଲେ । ତୁରନ୍ତ ତାଙ୍କୁ ଡ଼ାକ୍ତରଖାନା ନିଆଯିବା ପରେ ତାଙ୍କ ଶରୀରରେ ଆଲକୋହଲ୍ସ୍ତର ଦରକାରଠାରୁ ୧,୧୧୯ଗୁଣ ଅଧିକ ରହିଥିଲା । ଏହାକୁ ଦେଖି ଡ଼ାକ୍ତର ଆଶ୍ଚର୍ଯ୍ୟ ହେବା ସହ ଯୁବକଙ୍କୁ ବଞ୍ଚାଇବା ପାଇଁ ଏକ ଅଜବ ବାଟ ଆପଣାଇଥିଲେ । ଶରୀରରେ ଆଲ୍କହଲର ମାତ୍ରା ଅଧିକ ଥିବାରୁ ଯୁବକଙ୍କ ଯକୃତ କାମ କରିବା ବନ୍ଦ କରି ଦେଇଥିଲା । ଯକୃତକୁ ପୂର୍ବ ଭଳି କରିବା ପାଇଁ ଡ଼ାକ୍ତର ଯୁବକଙ୍କୁ ୧୫ଟି କେନ୍ ବିୟର ପିଆଇ ଥିଲେ । ଏହା ପରେ ଯୁବକ ସୁସ୍ଥ ହୋଇ ପାରିଥିଲେ ।
Sambad is now on WhatsApp
Join and get latest news updates delivered to you via WhatsApp
ଯୁବକଙ୍କ ଚିକିତ୍ସା କରୁଥିବା ଡ଼ାକ୍ତରଙ୍କ କହିବା ଅନୁଯାୟୀ,ଯୁବକଜଣଙ୍କ ଚେତାଶୂନ୍ୟ ଥାଇ ମଧ୍ୟ ତାଙ୍କ ପେଟ ଏବଂ ଶରୀରରୁ ଆଲ୍କହଲ ରକ୍ତବାହିକାକୁ ଯିବାକୁ ଲାଗିଥିଲା । ମଦ ଦୁଇଟି ଆକାରରେ ଆସିଥାଏ । ଗୋଟେ ହେଲା ମିଥାନଲ ଏବଂ ଗୋଟେ ହେଲା ଇଥାନଲ । ଯେତେବେଳେ ମିଥାନଲ ଫର୍ମାଲଡିହାଇଡ୍କୁ ଅକ୍ସିଡ଼ାଇଜ୍ଡ ହୋଇ ଫର୍ମିକ୍ ଏସିଡ୍ ତିଆରି କରିଥାଏ,ସେତେବେଳେ ମଣିଷ ଚେତାଶୂନ୍ୟ ହୋଇ ଯାଇଥାଏ। ଫର୍ମାଲଡିହାଇଡ୍ ଅକ୍ସିଡ଼ାଇଜ୍ଡ ହୋଇ ଫର୍ମିକ୍ ଏସିଡ୍ ତିଆରି କରିବାକୁ ରୋକିବା ପାଇଁ ମିଥାନଲକୁ ବିୟର ଦିଆ ଯାଇଥାଏ । ଯାହାଦ୍ୱାରା ତାହା ଔଷଧର କାମ କରିଥାଏ । ଆମେ ସେଥି ପାଇଁ ଯୁବଙ୍କ ଏଭଳି ଅବସ୍ଥା ଦେଖି ତାଙ୍କୁ ୧୫କେନ୍ ବିୟର ପିଆଇ ଦେଇଥିଲୁ । ଯାହା ପରେ ତାଙ୍କ ଅବସ୍ଥା ନିୟନ୍ତ୍ରଣକୁ ଆସିଥିଲା ବୋଲି ଡ଼ାକ୍ତର କହିଛନ୍ତି । ଏବେ ଯୁବକଜଣଙ୍କ ସୁସ୍ଥ ଥିବା ଜଣା ପଡ଼ିଛି ।