ଆମେରିକା ପାଇଁ ଆଗାମୀ ଦୁଇ ସପ୍ତାହ ଅତ୍ୟନ୍ତ ଯନ୍ତ୍ରଣାଦାୟକ: ରାଷ୍ଟ୍ରପତି ଟ୍ରମ୍ପ୍
ୱାସିଂଟନ୍: ମଙ୍ଗଳବାର ଦିନ ଆମେରିକାରେ କୋରାନାଭାଇରସଜନିତ ମୃତ୍ୟୁ ସଂଖ୍ୟା ୩, ୪୧୬ରେ ପହଞ୍ଚିବା ପରେ ରାଷ୍ଟ୍ରପତି ଟ୍ରମ୍ପ୍ ଚେତାବନୀ ଦେଇ କହିଛନ୍ତି ଯେ ଆମେରିକା ପାଇଁ ଆଗାମୀ ଦୁଇ ସପ୍ତାହ ହେବ ଅତ୍ୟନ୍ତ ଯନ୍ତ୍ରଣାଦାୟକ ।
ହ୍ୱାଇଟ୍ ହାଉସରେ ଏକ ସାମ୍ବାଦିକ ସମ୍ମିଳନୀରେ ଟ୍ରମ୍ପ୍ କହିଛନ୍ତି ଯେ ଘଟଣା ଖୁବ୍ ଯନ୍ତ୍ରଣାଦାୟକ ହେବାକୁ ଯାଉଛି, ଆଗାମୀ ଦୁଇ ସପ୍ତାହ ହେବ ଅତ୍ୟନ୍ତ ଯନ୍ତ୍ରଣାଦାୟକ ।
କରୋନାଭାଇରସ୍ ମହାମାରୀକୁ ଟ୍ରମ୍ପ୍ ପ୍ଲେଗ୍ ବେମାରୀ ସହ ତୁଳନା କରିଛନ୍ତି । ସେ କହିଛନ୍ତି, ମୁଁ ଚାହେଁ ଆଗରେ ଥିବା ଦୁଃସମୟର ସମ୍ମୁଖୀନ ହେବାକୁ ସମସ୍ତ ଆମେରିକୀୟ ପ୍ରସ୍ତୁତ ରୁହନ୍ତୁ ।
Sambad is now on WhatsApp
Join and get latest news updates delivered to you via WhatsApp
ଶୀର୍ଷସ୍ତରୀୟ ସ୍ୱାସ୍ଥ୍ୟ ଅଧିକାରୀମାନେ କହିଛନ୍ତି ଯେ ସହଜରେ ସଂପ୍ରସାରିତ ହୋଇଯାଉଥିବା ଭୂତାଣୁକୁ ରୋକିବାକୁ କଡ଼ା ସାମାଜିକ ଦୂରତା ବଜାୟ ରଖିବା ହିଁ ଏକମାତ୍ର ଉପାୟ ।
କରୋନାଭାଇରସ୍ ରେସପନସ୍ କୋଅର୍ଡିନେଟର୍ ଦେବୋରା ବ୍ରିକ୍ସ ହ୍ୱାଇଟ୍ ହାଉସ୍ ଠାରେ କହିଛନ୍ତି ଯେ ଏଥିପାଇଁ କୌଣସି କୁହୁକ ଟିକା କିଂବା ଚିକିତ୍ସା ନାହିଁ । ଏକମାତ୍ର ଆଚାରବ୍ୟବହାର, ପ୍ରତ୍ୟକଙ୍କର ଆଚାରବ୍ୟବହାର ହିଁ ଆଗାମୀ ୩୦ ଦିନ ମଧ୍ୟରେ ଏହି ମହାମାରୀ ସଂପ୍ରସାରଣର ଗତିପଥ ପରିବର୍ତ୍ତନ କରିପାରିବ ।
ଏହି ସାମ୍ବାଦିକ ସମ୍ମିଳନୀରେ ବ୍ରିକ୍ସ ଏକ ଚାର୍ଟ ପ୍ରଦର୍ଶନ କରି କହିଥିଲେ ଯେ ଭୂତାଣୁର ମୂଳୋତ୍ପାଟନ ନିମନ୍ତେ ସମ୍ପ୍ରତି ଗ୍ରହଣ କରାଯାଇଥିବା ପଦକ୍ଷେପକୁ ଯଦି ଠିକ୍ ରୂପେ ପାଳନ କରା ନ ଯାଏ ତେବେ ଆମେରିକାରେ ୧୦୦, ୦୦୦ ରୁ ୨୪୦, ୦୦୦ ଲୋକଙ୍କର ମୃତ୍ୟୁ ଘଟିବ ।