ନେଦରଲ୍ୟାଣ୍ଡ ଗୁଳିକାଣ୍ଡ, ଆତଙ୍କବାଦୀ ଆକ୍ରମଣ ବୋଲି ସ୍ପଷ୍ଟ କଲା ପୁଲିସ, ମୃତ୍ୟୁ ସଂଖ୍ୟା ୩କୁ ବୃଦ୍ଧି
ଆମଷ୍ଟରଡାମ : ନେଦରଲାଣ୍ଡର ସହର ଉଟ୍ରେଚରେ ଏକ ଚଳନ୍ତା ଟ୍ରାମରେ ଆଜି ହୋଇଥିବା ଗୁଳିକାଣ୍ଡରେ ମୃତ୍ୟୁସଂଖ୍ୟା ୩କୁ ବୃଦ୍ଧି ପାଇଛି । ଏହି ଘଟଣାରେ ଆହୁରି ଅନେକ ବ୍ୟକ୍ତି ଆହତ ହୋଇଛନ୍ତି । ଆହତଙ୍କ ମଧ୍ୟରୁ କେତେକଙ୍କ ଅବସ୍ଥା ସଂକଟାପନ୍ନ ଥିବାରୁ ମୃତ୍ୟୁସଂଖ୍ୟା ବଢିବାର ଆଶଙ୍କା ରହିଛି । ନେଦରଲାଣ୍ଡ ପୁଲିସ ଏହି ଆକ୍ରମଣ ଘଟାଇଥିବା ବ୍ୟକ୍ତିକୁ ଚିହ୍ନଟ କରିଛି । ତାହାର ନାଁ ଗୋକମେନ ଟେନିସ ଓ ସେ ତୁର୍କିର ବାସିନ୍ଦା ବୋଲି ଜଣାପଡିଛି । ଆଇଏସ ସହ ସଂପର୍କ କାରଣରୁ ତାକୁ ପୂର୍ବରୁ ଥରେ ଗିରଫ କରାଯାଥିଲା । ଡଚ ପ୍ରଧାନମନ୍ତ୍ରୀ ମାର୍କ ରୁଟେ କହିଛନ୍ତି ଯେ ପ୍ରଶାସନ ଏହି ସ୍ଥିତି ଉପରେ ନଜର ରଖିଛି ଓ ଆବଶ୍ୟକ ପଦକ୍ଷେପ ନିଆଯାଉଛି ।
Sambad is now on WhatsApp
Join and get latest news updates delivered to you via WhatsApp
ଡଚ ପୁଲିସର କହିବା ମୁତାବକ ସ୍ଥାନୀୟ ସମୟ ସକାଳ ୧୦ଟା ୪୫ ମିନିଟରେ ଏହି ବ୍ୟକ୍ତି ହଠାତ ଏକ ଚଳନ୍ତା ଟ୍ରାମରେ ଗୁଳି ଚଳାଇବାରୁ ଅନେକ ଲୋକ ଆହତ ହୋଇଥିଲେ । ତେବେ ପରେ ୩ ଜଣ ଆହତ ବ୍ୟକ୍ତିଙ୍କ ମୃତ୍ୟୁ ହୋଇଥିଲା ।