ମୁମ୍ବାଇ: ଏନସିପି ସାଂସଦ ସୁପ୍ରିୟା ସୁଲେଙ୍କର ହେଲିକପ୍ଟରକୁ ଆଜି ଯାଞ୍ଚ କରିଛନ୍ତି ନିର୍ବାଚନ କମିଶନଙ୍କ ଫ୍ଲାଇଙ୍ଗ ସ୍କ୍ୱାର୍ଡ | ତେବେ ଯାଞ୍ଚ ପରେ ସୁପ୍ରିୟା ସେହି ହେଲିକପ୍ଟରରେ ପ୍ରଚାର କରିବାକୁ ଯାଇଥିଲେ | ମିଳିଥିବା ସୂଚନା ମୁତାବକ ମହାରାଷ୍ଟ୍ରର ମୁରବାଡ଼ ବିଧାନସଭା ଓ ୟେବଲା ବିଧାନସଭା କ୍ଷେତ୍ରରେ ଏନସିପି ପ୍ରାର୍ଥୀଙ୍କ ପାଇଁ ପ୍ରଚାରରେ ଯିବାକୁ କାର୍ଯ୍ୟକ୍ରମ ସ୍ଥିର ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ତେବେ ମହାଲକ୍ଷ୍ମୀ ରେସ କୋର୍ସରେ ଛିଡା ହୋଇଥିବା ହେଲିକପ୍ଟରକୁ ଯାଞ୍ଚ କରିବାକୁ ନିର୍ବାଚନ କମିଶନଙ୍କ ସ୍ୱତନ୍ତ୍ର ଫ୍ଲାଇଙ୍ଗ ସ୍କ୍ୱାର୍ଡ ପହଂଚି ଯାଇଥିଲେ | ହେଲିକପ୍ଟରକୁ ତନ୍ନତନ୍ନ କରି ଯାଞ୍ଚ କରିବା ପରେ ସାଂସଦ ସୁପ୍ରିୟା ସୁଲେଙ୍କୁ ହେଲିକପ୍ଟରରେ ଯିବାକୁ ଅନୁମତି ଦିଆଯାଇଥିଲା |
ଏହାପରେ ସାଂସଦ ସେହି ହେଲିକପ୍ଟରରେ ନିର୍ବାଚନ ପ୍ରଚାର ପାଇଁ ଯାଇଥିଲେ | ଏଠାରେ ସୂଚନା ଥାଉ କି ମହାରାଷ୍ଟ୍ରରେ ଅକ୍ଟୋବର ୨୧ ତାରିଖ ଦିନ ଭୋଟ୍ ଗ୍ରହଣ କରାଯିବ। ଅକ୍ଟୋବର ୨୪ ତାରିଖ ଦିନ ଭୋଟ୍ ଗଣନା କରାଯିବ। ଏଥର କଂଗ୍ରେସ-ଏନସିପି ଓ ବିଜେପି-ଶିବସେନା ମଧ୍ୟରେ କଡା ଟକ୍କର ଦେଖିବାକୁ ମିଳିବ |