ଏରିକ୍ସନ ମାମଲାରେ ଶିଳ୍ପପତି ଅନୀଲ ଅମ୍ବାନୀଙ୍କ ସମେତ ଦୁଇ ନିବେଶକ ଅଦାଲତ ଅବମାନନାରେ ଦୋଷୀ ସାବ୍ୟସ୍ତ
ନୂଆଦିଲ୍ଲୀ: ଏରିକ୍ସନ ମାମଲାରେ ଶିଳ୍ପପତି ଅନୀଲ ଅମ୍ବାନୀ ଓ ରିଲିଏନ୍ସ କମ୍ୟୁନିକେସନ୍ର ଦୁଇଜଣ ନିବେଶକଙ୍କୁ ଅଦାଲତ ଅବମାନନାରେ ଦୋଷୀ ସାବ୍ୟସ୍ତ କରିଛନ୍ତି ସର୍ବୋଚ୍ଚ ନ୍ୟାୟାଳୟ। ଅମ୍ବାନୀଙ୍କ ବ୍ୟତୀତ ରିଲାଏନ୍ସ ଟେଲିକମ୍ର ଅଧ୍ୟକ୍ଷ ସତୀଶ ସେଠ୍ ଓ ରିଲାଏନ୍ସ ଇନ୍ଫ୍ରାଟେଲର ଅଧ୍ୟକ୍ଷା ଛାୟା ବିରାନୀଙ୍କୁ ଦୋଷୀ ସାବ୍ୟସ୍ତ କରିଛନ୍ତି ସର୍ବୋଚ୍ଚ ନ୍ୟାୟାଳୟ। ନ୍ୟାୟାଳୟ ଆଗାମୀ ୮ ସପ୍ତାହ ମଧ୍ୟରେ ଏରିକସନକୁ ୪୫୩ କୋଟି ଟଙ୍କା ପରିଶୋଧ କରିବାକୁ ନିର୍ଦ୍ଦେଶ ଦେଇଛନ୍ତି। ତା’କରି ନ ପାରିଲେ,ତିନି ମାସର ଜେଲଦଣ୍ଡ ଭୋଗିବେ ଅଭିଯୁକ୍ତ ବୋଲି ମଧ୍ୟ ନ୍ୟାୟାଳୟ ପକ୍ଷରୁ ନିର୍ଦ୍ଦେଶ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ସର୍ବୋଚ୍ଚ ନ୍ୟାୟାଳୟ ଉକ୍ତ ତିନିଜଣଙ୍କୁ ଏକ ଏକ କୋଟି ଟଙ୍କାର ଜରିମାନା ଦେବାକୁ ବି ନିର୍ଦ୍ଦେଶ ଦେଇଛନ୍ତି। ଏକ ମାସ ଭିତରେ ଜରିମାନା ଦାଖଲ ନ କଲେ ସେମାନଙ୍କୁ ୩୦ ଦିନ ପାଇଁ ଜେଲ୍ ଯିବାକୁ ପଡିବ ବୋଲି କହିଛନ୍ତି ନ୍ୟାୟାଳୟ। ବିଚାରପତି ଏଫ୍ ନରିମନ୍ ଓ ବିନୀତ ସରନ୍ ଫେବୃଆରି ୧୩ ତାରିଖରେ ନିଜର ରାୟକୁ ସୁରକ୍ଷିତ ରଖିଥିଲେ।