ଗୌହାଟି: ଯୁକ୍ତରାଷ୍ଟ୍ର ଆମେରିକାରେ ଥିବା ଫେସ୍ବୁକ୍ ମୁଖ୍ୟାଳୟରୁ ସତର୍କ ସୂଚନା ପାଇ ସୋମବାର ଦିନ ପୁଲିସ ଆସାମର ଜଣେ ନାବାଳିକାକୁ ଆତ୍ମହତ୍ୟା କରିବାରୁ ନିବୃତ କରିଛି। ସେ ଆତ୍ମହତ୍ୟା କରିବାକୁ ଚାହୁଁଛନ୍ତି ବୋଲି ସାମାଜିକ ଗଣମାଧ୍ୟମ ପ୍ଲାଟ୍ଫର୍ମରେ ଇଚ୍ଛା ପ୍ରକାଶ କରିଥିଲା।
ଡିଜିପି କୁଳଧର ସାଇକିଆ କହନ୍ତି: ସୋମବାର ଦିନ ଫେସ୍ବୁକ୍ ମୁଖ୍ୟାଳୟ ରାଜ୍ୟ ପୁଲିସକୁ ସୂଚନା ଦେଲା ଯେ ଜଣେ ନାବାଳିକା ଆତ୍ମହତ୍ୟା କରିବାକୁ ଚିନ୍ତା କରୁଛନ୍ତି। ରାଜ୍ୟ ପୁଲିସ ତୁରନ୍ତ ପ୍ରତିକ୍ରିୟାଶୀଳ ହୋଇ ବାଳିକାଟିକୁ ରକ୍ଷା କଲା।
Sambad is now on WhatsApp
Join and get latest news updates delivered to you via WhatsApp
ଫେସ୍ବୁକ୍ରେ ବାଳିକା ଜଣକ ଲେଖିଥିଲେ ଯେ ଆଜି ସେ ଆତ୍ମହତ୍ୟା କରିବାକୁ ଯାଉଛି। ତାଙ୍କୁ ଓ ତାଙ୍କ ପରିବାରକୁ କାଉନ୍ସେଲିଙ୍ଗ୍ କରାଗଲା। ଏଥିସହ ପୋଷ୍ଟ୍ଟିକୁ କାଢ଼ି ନେବାକୁ ସେ ଝିଅଟିକୁ ଉପଦେଶ ଦିଆଯାଇଛି ବୋଲି ଜଣେ ଅଧିକାରୀ କହିଛନ୍ତି।
ଜାନୁଆରି ମାସରେ ସହର ଉପକଣ୍ଠସ୍ଥିତ ଆଜରାର ଜଣେ ନାବାଳକ ମଧ୍ୟ ସେମିତି ଏକ ପୋଷ୍ଟ୍ କରିଥିଲେ। ଫେସ୍ବୁକ୍ କର୍ତ୍ତୃପକ୍ଷମାନେ ସଜାଗ କରାଇବାରୁ ପୁଲିସ ତାଙ୍କୁ ଉଦ୍ଧାର କରିଥିଲା