ଏତେ କୋଟି ଟଙ୍କା ନେଇ ବ୍ୟବହାରକାରୀଙ୍କ ଡାଟା ଲିକ୍ କରିବାକୁ ଯୋଜନା କରୁଥିଲା ଫେସ୍ବୁକ୍, ସାମ୍ନାକୁ ଆସିଲା ରିପୋର୍ଟ
ନୂଆଦିଲ୍ଲୀ: କିଛି ମାସ ତଳେ ଫେସ୍ବୁକ୍ର ମୁଖ୍ୟ ମାର୍କ ଜୁକରବର୍ଗଙ୍କୁ ବ୍ୟବହାରକାରୀଙ୍କ ଡାଟା ଚୋରି କରିବା ନେଇ ଅନେକ ପ୍ରଶ୍ନର ସାମ୍ନା କରିବାକୁ ପଡ଼ିଥିଲା । ପରେ ସେ ନିଜ ଭୁଲ ପାଇଁ କ୍ଷମା ମାଗିବା ସହ ଆଗକୁ ଏପରି ଭୁଲ ହେବ ନାହିଁ ବୋଲି କହିଥିଲେ । କିନ୍ତୁ କିଛି ବର୍ଷ ତଳେ ଫେସ୍ବୁକ୍ ନିଜ ବ୍ୟବହାରକାରୀଙ୍କ ଡାଟା ଅନ୍ୟ କମ୍ପାନିକୁ ବିକ୍ରି କରିବା ପାଇଁ ଚିନ୍ତା କରିଥିବା ବେଳେ ପରେ ନିଜର ନିଷ୍ପତ୍ତି ବଦଳାଇଥିଲେ ବୋଲି ଏକ ରିପୋର୍ଟରୁ ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ରିପୋର୍ଟରୁ ପ୍ରକାଶ, ଫେସ୍ବୁକ୍ ୨୦୧୨ରେ କୋଟି କୋଟି ଟଙ୍କା ନେଇ ଅନ୍ୟ କମ୍ପାନିକୁ ନିଜ ବ୍ୟବହାରକାରୀଙ୍କ ଡାଟା ବିକ୍ରି କରିବ ବୋଲି ନିଷ୍ପତ୍ତି ନେଇଥିଲା । ଫେସ୍ବୁକ୍ ୧.୭୫କୋଟି ଟଙ୍କାରେ ଡାଟା ବିକ୍ରି କରିବା ପାଇଁ ନିଷ୍ପତ୍ତି ନେଇଥିବା ବେଳେ ପରେ ସେ ନିଜର ନିଷ୍ପତ୍ତିି ବଦଳାଇଥିଲା । ଏ ବିଷୟରେ ଆର୍ଷ୍ଟେକ୍ନିକା ଡଟ୍ କମ୍ ନାମକ ଏକ େଓ୍ଵବ୍ସାଇଟ୍ ଡାଟା ବିକ୍ରି ମାମଲାକୁ ନେଇ କୋର୍ଟର କାଗଜ ପତ୍ର ଦେଖିବା ପରେ ଏହି ଖବରକୁ ପ୍ରକାଶ କରିଥିବା କହିଛି ।
େଓ୍ଵବ୍ସାଇଟ୍ ଦେଇଥିବା ରିପୋର୍ଟ ଅନୁଯାୟୀ, ଫେସ୍ବୁକ୍ ବିଭିନ୍ନ କମ୍ପାନିକୁ ଗ୍ରାଫ୍ ଏପିଆଇର ଭି୧.୦କୁ ଚଲାଇବା ପାଇଁ ଅନୁମତି ଦେଇଥିଲା । ଅନୁମତି ଦିଆ ଯାଇଥିବା କମ୍ପାନି ମଧ୍ୟରେ ପ୍ରଥମେ ନିଶାନ୍ ଏବଂ ରୟାଲ ବ୍ୟାଙ୍କ ଅଫ୍ କାନାଡ଼ା ଭଳି କମ୍ପାନି ରହିଥିବା ବେଳେ ପରେ ନେଟ୍ଫ୍ଲିକ୍ସ,ଲାଇଫ୍ଟ,ଏୟାରବିଏନ୍ବି ଇତ୍ୟାଦି କମ୍ପାନି ସାମିଲ ହୋଇଥିଲା । ଅନ୍ୟ ପକ୍ଷରେ ଫେସ୍ବୁକ୍ର ପ୍ରବକ୍ତାଙ୍କ କହିବା ଅନୁଯାୟୀ,ଫେସ୍ବୁକ୍ କେବଳ ନିଶାନ୍ ଏବଂ ରୟାଲ ବ୍ୟାଙ୍କ ଅଫ୍ କାନାଡ଼ା ଭଳି କମ୍ପାନିକୁ ଗ୍ରାଫ୍ ଏପିଆଇର ଭି୧.୦କୁ ଚଲାଇବା ପାଇଁ ଅନୁମତି ଦେଇଥିଲା । କିନ୍ତୁ ନେଟ୍ଫ୍ଲିକ୍ସ, ଲାଇଫ୍ଟ, ଏୟାରବିଏନ୍ବି ଇତ୍ୟାଦି କମ୍ପାନିକୁ କେବେ ହେଲେ ଗ୍ରାଫ୍ ଏପିଆଇର ଭି୧.୦କୁ ଚଲାଇବା ପାଇଁ ଅନୁମତି ଦିଆ ଯାଇ ନଥିଲା ଭୁଲବଶତଃ ତାହା କୋର୍ଟ କାଗଜରେ ଲେଖି ଦିଆ ଯାଇଛି ।