ଓଡ଼ିଶା-ଛତିଶଗଡ଼ ସୀମାରେ ପୁଲିସ ଓ ମାଓବାଦୀ ମଧ୍ୟରେ ଗୁଳିବିନିମୟ, ବିପୁଳ ପରିମାଣର ମାଓ ସାମଗ୍ରୀ ଜବତ

0

ଛତିଶଗଡ଼: ଓଡ଼ିଶା-ଛତିଶଗଡ଼ ସୀମା ନିକଟସ୍ଥ ଦାଲଦାଲି ଓ ଗୁଗାପାଦାର ଗ୍ରାମରେ ପୁଲିସ ଓ ମାଓବାଦୀ ମଧ୍ୟରେ ଶୁକ୍ରବାର ଗୁଳି ବିନିମୟ ହୋଇଥିଲା। ତୁଳସୀ ପହାଦ୍‌ ଅଞ୍ଚଳରେ ମାଓବାଦୀଙ୍କ ପ୍ରଭାବ ଅଧିକ ରହିଥାଏ । ତେଣୁ ଏହି ଅଞ୍ଚଳର ବାସିନ୍ଦାଙ୍କୁ ସବୁବେଳେ ମାଓ ଭୟ ଲାଗି ରହିଥାଏ।

ସୂଚନାଯୋଗ୍ୟ, ଡିଭିଏଫ୍‌ ଓ ଏସ୍‌ଓଜି ଟିମ୍‌ ଓ ମାଲକାନଗିରି ଏସ୍‌ପି ଆଣ୍ଟି-ମାଓବାଦୀ ଅପରେସନ୍‌ରେ ଯୋଗ ଦେଇଥିଲେ। ଏହି ଅପରେସନ୍‌ରେ କେହି ମୃତାହତ ହୋଇ ନଥିବା ସୂଚନା ମିଳିଛି। ପୁଲିସ ଗୁଳିର ସାମ୍ନା କରି ନପାରି ମାଓବାଦୀମାନେ ଘଟଣାସ୍ଥଳ ଛାଡ଼ି ଚାଲି ଯାଇଥିଲେ। ପୁଲିସ ଘଟଣାସ୍ଥଳରୁ ମାଓବାଦୀଙ୍କ କିଟ୍‌ ବ୍ୟାଗ, ମାଓବାଦୀଙ୍କ ଲିଟେରଚର ଓ ଦୈନଦିନ ବ୍ୟବହାର ସାମଗ୍ରୀ ଆଦି ଜବତ କରିଛି। ଏବେ ବି ସର୍ଚ୍ଚ ଅପରେସନ୍‌ ଜାରି ରହିଛି। ଗତ କିଛି ମାସ ମଧ୍ୟରେ ମାଲକାନଗିରି ପୁଲିସ ମାଓବାଦୀ ମଧ୍ୟରେ ତୁଳସୀ ପହାଦ ଅଞ୍ଚଳରେ ଚାରିଥର ଗୁଳିବିନିମୟ ହୋଇସାରିଥିବା ସୂଚନା ମିଳିଛି।

ସମ୍ବନ୍ଧିତ ଖବର

Leave A Reply

Your email address will not be published.