ଚଳାଇବା ଅନୁମତି ନ ମିଳିବାରୁ ବିମାନବନ୍ଦରକୁ ଯାଇ ବିମାନ ଚୋରି ଉଦ୍ୟମ କଲେ ଛାତ୍ର
ନୂଆଦିଲ୍ଲୀ : ଆପଣମାନେ ଆଗରୁ କାର୍, ବାଇକ୍ ବା ଅଟୋ ଚୋରି ହେଉଥିବା ଖବର ଶୁଣିଥିବେ । କିନ୍ତୁ କେବେ ବିମାନ ଚୋରି କଥା ଶୁଣିଛନ୍ତି କି? ଆଜ୍ଞା ହଁ! ଫ୍ଲୋରିଡ଼ାରେ ଥିବା ଓର୍ଲାଣ୍ଡୋ ବିମାନବନ୍ଦରୁ ଜଣେ ଛାତ୍ର ବିମାନ ଚୋରି କରୁଥିଲେ ବୋଲି ଖବର ମିଳିଛି । ମେଣ୍ଟେନାନ୍ସ ପାଇଁ ବିମାନକୁ ରଖା ଯାଇଥିବା ବେଳେ ଛାତ୍ରଜଣଙ୍କ ବିମାନ ମଧ୍ୟକୁ ଯାଇଥିଲେ । କେହି ନ ଥିବା ଦେଖି ବିମାନ ଉଡ଼ାଇବାକୁ ଆରମ୍ଭ କରୁଥିବା ସମୟରେ ପୁଲିସ ଅଭିଯୁକ୍ତଙ୍କୁ ଗିରଫ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଚୋରି ଉଦ୍ୟମ କରୁଥିବା ଛାତ୍ରଙ୍କ ପାଖରେ ବେସାମରିକ ପାଇଲଟର ଲାଇସେନ୍ସ ଥିବା ବେଳେ ତାଙ୍କୁ ଏୟାରକ୍ରାଫ୍ଟ ଉଡ଼ାଇବା ପାଇଁ ଅନୁମତି ଦିଆ ଯାଇ ନ ଥିଲା । ଏହା ପରେ ସେ ବିମାନକୁ ଚୋରି କରିବା କଥା ଭାବିଥିଲେ । ଅଭିଯୁକ୍ତ ଛାତ୍ରଙ୍କ ନାମ ନିଶଲ ସଙ୍କଟ ବୋଲି ଚିହ୍ନଟ କରାଯାଇଛି । ଅଭିଯୁକ୍ତ ଜଣଙ୍କ ଫ୍ଲୋରିଡ଼ା ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରେ ପାଠ ପଢ଼ୁଥିବା ବେଳେ ତାଙ୍କ ପାଖରେ କାନାଡ଼ା ଏବଂ ତ୍ରିନିଦାଦ୍ର ନାଗରିକତା ଥିବା ଜଣା ପଡ଼ିଛି । ନିଶଲଙ୍କ ପାଖରେ ଲାଇସେନ୍ସ ଥାଇ ମଧ୍ୟ ସେ ଏୟାରକ୍ରାଫ୍ଟ ଏୟାରବସ୍ ୩୨୧ ବିମାନ ଚଳାଇବାକୁ ସେତିକି ଯୋଗ୍ୟ ନଥିବାରୁ ତାଙ୍କୁ ବିମାନ ଚଳାଇବା ପାଇଁ ଅନୁମତି ଦିଆ ଯାଇ ନଥିଲା, ଯାହା ପାଇଁ ସେ ଏହି ଉଦ୍ୟମ କରିଥିଲେ । ଜାନୁଆରି ୨୦୧୮ରେ ତାଙ୍କୁ ବେସାମରିକ ପାଇଲଟର ଲାଇସେନ୍ସ ମିଳିଥିଲା ବୋଲି ଜଣାପଡ଼ିଛି ।