କହ୍ନେୟା କୁମାର ଓ ପ୍ରଶାନ୍ତ କିଶୋର ଆଗାମୀ ଦଶକରେ ଭାରତୀୟ ରାଜନୀତିରେ ନିର୍ଣ୍ଣାୟକ ଭୂମିକା ନେବେ: ଫୋର୍ବସ
ନୂଆଦିଲ୍ଲୀ: ଅନ୍ତର୍ଜାତୀୟ ପତ୍ରିକା ଫୋର୍ବସ କହ୍ନେୟା କୁମାର ଓ ପ୍ରଶାନ୍ତ କିଶୋରଙ୍କୁ ବିଶ୍ୱର ଟପ-୨୦ ନିର୍ଣ୍ଣାୟକ ଲୋକଙ୍କ ତାଲିକାରେ ସ୍ଥାନ ଦେଇଛି | କହ୍ନେୟାଙ୍କୁ ୧୨ତମ ସ୍ଥାନ ମିଳିଥିବା ବେଳେ ପ୍ରଶାନ୍ତ କିଶୋରଙ୍କୁ ୧୬ତମ ସ୍ଥାନ ମିଳିଛି | ଫୋର୍ବସ ଜେଏନୟୁ ଛାତ୍ର ସଂଘର ପୂର୍ବତନ ସଭାପତି କହ୍ନେୟା କୁମାର ଓ ଜେଡିୟୁର ରଣନୀତି ପ୍ରସ୍ତୁତ କରୁଥିବା ପ୍ରଶାନ୍ତ କିଶୋରଙ୍କୁ ଆଗାମୀ ଦଶକର ନିର୍ଣ୍ଣାୟକ ଚେହେରା ଭାବେ ଅଭିହିତ କରିଛି | ଫୋର୍ବସ ପକ୍ଷରୁ କୁହାଯାଇଛି ଯେ ଦୁଇ ଜଣ ଯୁବ ନେତା ଆଗାମୀ ଦଶକ ପାଇଁ ପ୍ରମୁଖ ଭୂମିକା ନିର୍ବାହ କରିପାରନ୍ତି |
Sambad is now on WhatsApp
Join and get latest news updates delivered to you via WhatsApp
ତାଲିକାର ପ୍ରଥମ ସ୍ଥାନରେ ଆମେରିକାରେ ରହୁଥିବା ଭାରତୀୟ କମେଡିଆନ ହାସନ ମିନହାଜ ଥିବା ବେଳେ ୨୦ ନମ୍ବର ସ୍ଥାନରେ କେନିଆର ମାରାଥନ୍ ଧାବକ ଏଲିଓଡ଼ କିପଚାଗ ସ୍ଥାନ ପାଇଛନ୍ତି | ତାଲିକାରେ ୫ ଜଣ ଭାରତୀୟଙ୍କ ନାମ ରହିଛି | ଫୋର୍ବସ ପତ୍ରିକା ଲେଖିଛି ଯେ କହ୍ନେୟା କୁମାର ଭବିଷ୍ୟତରେ ଭାରତୀୟ ରାଜନୀତିରେ ଶକ୍ତିଶାଳୀ ପରିଚୟ ସୃଷ୍ଟି କରିବା ପାଇଁ ଚେଷ୍ଟା କରୁଛନ୍ତି |
ସେହିପରି ୨୦୧୧ ମସିହାରୁ ରାଜନୈତିକ ରଣନୀତି କରୁଥିବା ପ୍ରଶାନ୍ତ କିଶୋର ୨୦୧୪ ଓ ୨୦୧୯ ମସିହାରେ ନରେନ୍ଦ୍ର ମୋଦୀଙ୍କୁ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ | ପ୍ରଶାନ୍ତ ଓ କହ୍ନେୟାଙ୍କ ବ୍ୟତୀତ ଆର୍ସେଲର ମିତ୍ତଲ ଗ୍ରୁପର ମୁଖ୍ୟ କାର୍ଯ୍ୟନିର୍ବାହୀ ଆଦିତ୍ୟ ମିତ୍ତଲ, ଗୋଦରେଜ୍ ପରିବାର, ହରିୟାଣାର ଉପମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୋଟାଲା, ତୃଣମୂଳ କଂଗ୍ରେସର ସାଂସଦ ମହୁଆ ମଇତ୍ର ଓ ଚେଫ ଗାରିମା ଆରୋଡାଙ୍କ ନାମକୁ ସାମିଲ କରିଛି | ଏହି ତାଲିକାରେ ଶ୍ରୀଲଙ୍କାର ରାଷ୍ଟ୍ରପତି ଗୋତବାୟା ରାଜପକ୍ଷେ, ସାଉଦି ଆରବର ଯୁବରାଜ ମୋହମ୍ମଦ ବିନ ସଲମାନ, ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ ଜେସିନ୍ଦା ଅର୍ଡନ, ପରିବେଶ କର୍ମୀ ଗ୍ରେଟା ଥନବର୍ଗ ପ୍ରମୁଖଙ୍କ ନାମକୁ ସାମିଲ କରିଛି |