କରୋନା ପ୍ରଭାବ: ଆର୍ଥିକ ଅବନତିକୁ ଦେଖି ଆତ୍ମହତ୍ୟା କଲେ ଜର୍ମାନୀର ଅର୍ଥମନ୍ତ୍ରୀ ଥୋମାସ ଶେଫର୍

ନୂଆଦିଲ୍ଲୀ: ଜର୍ମାନୀର ହେସେ ରାଜ୍ୟର ଅର୍ଥମନ୍ତ୍ରୀ ଥୋମାସ ଶେଫର୍ କରୋନାଭାଇରସରୁ ଆର୍ଥିକ ଅବନତିକୁ କିପରି ମୁକାବିଲା କରିବେ ସେ ନେଇ ଗଭୀର ଚିନ୍ତିତ ହେବା ପରେ ଆତ୍ମହତ୍ୟା କରିଥିବା ରାଜ୍ୟର ମୁଖ୍ୟ ଭୋଲକର ବଫିୟର ରବିବାର କହିଛନ୍ତି। ଶନିବାର ରେଳ ଧାରଣା ନିକଟରୁ ୫୪ବର୍ଷିୟ ଶେଫରଙ୍କ ମୃତଦେହ ମିଳିଥିଲା। ୱିସବାଡେନ୍ ପ୍ରବର୍ତ୍ତନ ନିର୍ଦ୍ଦେଶାଳୟ କହିଛି ଯେ, ସେ ଚିନ୍ତିତ ହୋଇ ଆତ୍ମହତ୍ୟା କରିଛନ୍ତି।

ସୂଚନା ମୁତାବକ, ସାରା ବିଶ୍ୱରେ ଏବେ କରୋନାଭାଇରସ ସଂକ୍ରମିତଙ୍କ ସଂଖ୍ୟା ବଢ଼ୁଥିବା ବେଳେ ଦିନକୁ ଦିନ ଲୋକଙ୍କ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି । ସଂକ୍ରମଣକୁ ରୋକିବା ପାଇଁ ଏବେ ସବୁ ଦେଶର ସରକାର ଲକଡ଼ାଉନ ଘୋଷଣା କରୁଥିବା ବେଳେ ଦେଶର ଅର୍ଥନୀତି ମଧ୍ୟ ଏହା ଦ୍ୱାରା ପ୍ରାଭାବିତ ହେଉଥିବା ଦେଖିବାକୁ ମିଳୁଛି । ତେବେ ଜର୍ମାନୀର ହେସେ ରାଜ୍ୟର ଅର୍ଥମନ୍ତ୍ରୀ ଥୋମାସ ଶେଫର୍ କରୋନାଭାଇରସରୁ ଆର୍ଥିକ ଅବନତିକୁ କିପରି ମୁକାବିଲା କରିବେ ସେ ନେଇ ଗଭୀର ଚିନ୍ତିତ ହୋଇ ଆତ୍ମହତ୍ୟା କରିଛନ୍ତି ।

ଏହା ପୂର୍ବରୁ ଆଜି କରୋନା ଭୂତାଣୁ କବଳିତ ହୋଇ ବିଶ୍ବର ପ୍ରଥମ ରାଜବଂଶଜ ଭାବେ ମୃତ୍ୟୁମୁଖରେ ପଡ଼ିଥିଲେ ସ୍ପେନର ରାଣୀ । କରୋନା ସଂକ୍ରମିତ  ସ୍ପେନର ରାଣୀ ୮୬ ବର୍ଷିୟା ମାରିଆ ଟେରେସା ଚିକିତ୍ସାଧୀନ ଥିଲେ। ପ୍ୟାରିସରେ ତାଙ୍କର ପରଲୋକ ଘଟିଛି। ରାଜକୀୟ ରୀତିନୀତିରେ ତାଙ୍କର ଅନ୍ତିମ ସଂସ୍କାର ମାଦ୍ରିଦରେ ସଂପନ୍ନ ହୋଇଛି ।