ଉନ୍ନାଓ ଦୁଷ୍କର୍ମ ମାମଲାକୁ ନେଇ ପ୍ରଶ୍ନ କରିବାରୁ ଛାତ୍ରୀଙ୍କ ସ୍କୁଲ ଯିବା ହେଲା ବନ୍ଦ, ଟୁଇଟ୍ କରି ବର୍ଷିଲେ ଅଳକା ଲାମ୍ବା
ନୂଆଦିଲ୍ଲୀ : ଦିଲ୍ଲୀର ଚାନ୍ଦନୀ ଚୌକ୍ରୁ ଥିବା ବିଧାୟକ ତଥା ଆମ୍ ଆଦମୀ ପାର୍ଟିର ନେତା ରହି ସାରିଥିବା ଅଳକା ଲାମ୍ବାଙ୍କ ଟୁଇଟ୍କୁ ନେଇ ଏବେ ରାଜନୀତି ଆରମ୍ଭ ହୋଇ ଯାଇଛି । ଖବରକାଗଜରେ ଛପା ଯାଇଥିବା ଖବରର ଫଟୋ ଉଠାଇ ସେ ଟୁଇଟ୍ କରିଛନ୍ତି । ଯେଉଁଥିରେ ଉନ୍ନାଓ ଦୁଷ୍କର୍ମ ମାମଲାକୁ ନେଇ ଜଣେ ଛାତ୍ରୀ ପ୍ରଶ୍ନ କରିବାରୁ ତାଙ୍କର ସ୍କୁଲ ଯିବା ବନ୍ଦ ହୋଇ ଯାଇଥିବା ଲେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
अगर यह सच है तो लानत है तुझे अजय बिष्ट ढोंगी.. सत्ता के दलाल हो तुम लोग,
बेटी बचाओ का नारा देकर सत्ता हथियाई और अब उन्हीं बेटियों के बलताकरियों को संरक्षण देकर आवाज़ उठाने वाली हमारी बेटियों को भयभीत करने की कोशिश कर रहे हो… @Uppolice hai koi jawab ??? pic.twitter.com/wGRJBfJXbH— Alka Lamba – अलका लाम्बा (@LambaAlka) August 3, 2019
ଫଟୋ ଟୁଇଟ୍ କରି, ଯଦି ଏହି ଖବର ସତ, ତେବେ ଅଜୟ ବିଷ୍ଟ ତୁମ କ୍ଷମତାରେ ରହିବା ଧିକ୍ । କ୍ଷମତାର ଦଲାଲ ତୁମେ । ବେଟି ବଚାଓ ନାରା ଲଗାଇ କ୍ଷମତାକୁ ଆସିଲ । ଏବେ ସେହି ଝିଅମାନଙ୍କ ଦୁଷ୍କର୍ମକାରୀଙ୍କୁ ସୁରକ୍ଷା ଦେଇ ଦୁଷ୍କର୍ମ ବିରୋଧରେ ସ୍ୱର ଉତ୍ତୋଳନ କରୁଥିବା ଝିଅମାନଙ୍କୁ ଭୟଭୀତ କରିବାକୁ ଚେଷ୍ଟା କରୁଛ । ଉତ୍ତରପ୍ରଦେଶ ପୁଲିସ କିଛି ଜବାବ ଅଛି କି? ବୋଲି ଲେଖିଥିଲେ ଅଳକା । ଅଳକାଙ୍କ ଟୁଇଟ୍ ପରେ ପରେ ଅନେକ ଟୁଇଟ୍ର ବ୍ୟବହାରକାରୀ ସେହି ଖବରକାଗଜର ଫଟୋ ସେୟାର କରି ଏହାକୁ ବିରୋଧ କରିଥିବା ଦେଖାଯାଇଛି । ତେବେ ଏଭଳି ଅଭିଯୋଗ ଆସିବା ପରେ ବାରବାଙ୍କି ପୁଲିସ ଫଟୋରେ ନଜର ଆସୁଥିବା ଯୁବତୀଙ୍କ ମାତା-ପିତାଙ୍କୁ ଦେଖା କରିଥିଲେ । ସ୍କୁଲ ନ ଯିବାର କାରଣ ପଚରାଯିବା ପରେ ଭଉଣୀର ଦେହ ଖରାପ ଥିବାରୁ ସେ ସ୍କୁଲ ଯାଇ ପାରୁନଥିଲା । ସ୍କୁଲ ନ ଯିବା ପଛରେ ଅନ୍ୟ କୌଣସି କାରଣ ନାହିଁ ବୋଲି ସ୍ପଷ୍ଟ କରିଥିଲେ ଯୁବତୀଙ୍କ ମାତା-ପିତା । ଯାହା ପରେ ଏ ବିଷୟରେ ଟୁଇଟ୍ କରି ସ୍ପଷ୍ଟ କରିଥିଲା ବାରବାଙ୍କି ପୁଲିସ ।