ସେନା ପାଇଁ ଟଙ୍କା ନାହିଁ ? ସାମରିକ ସେବା ଭତ୍ତା ବଢାଇବାକୁ ସେନାର ଦାବିକୁ କେନ୍ଦ୍ରର ଅଗ୍ରାହ୍ୟ
ନୂଆଦିଲ୍ଲୀ : ମିଲିଟାରୀ ସର୍ଭିସ ପେ ବଢାଇବାକୁ ସେନାର ଦାବିକୁ କେନ୍ଦ୍ର ସରକାର ଅଗ୍ରାହ୍ୟ କରିଦେଇଛନ୍ତି । କେନ୍ଦ୍ରର ଏହି ନିଷ୍ପତ୍ତି ଦ୍ୱାରା ପ୍ରାୟ ୧ ଲକ୍ଷ ସେନା କର୍ମଚାରୀ ପ୍ରଭାବିତ ହେବେ । ସରକାରଙ୍କ ଏହି ନିଷ୍ପତ୍ତି ବିରୋଧରେ ସେନା ପୁଣି ଅପିଲ କରିବାକୁ ନିଷ୍ପତ୍ତି ନେଇଛି ।
Sambad is now on WhatsApp
Join and get latest news updates delivered to you via WhatsApp
ସେନାର ଯବାନ, ଅଫିସର ମାନଙ୍କୁ ଦରମା ବ୍ୟତୀତ ଏକ ମିଲିଟାରୀ ସର୍ଭିସ ପେ (ସାମରିକ ସେବା ଭତ୍ତା) ପ୍ରଦାନ କରାଯାଇଥାଏ । ସେନାର କର୍ମଚାରୀମାନେ ନିଜର ସେବା ପ୍ରଦାନ ବେଳେ ଯେଉଁ ପ୍ରକାରର କଠିନ ପରିସ୍ଥିତିର ସାମନା କରନ୍ତି ତାହା ସହ ଅନ୍ୟ କ୍ଷେତ୍ରର ସରକାରୀ କର୍ମଚାରୀଙ୍କ ସେବାକୁ ତୁଳନା କରାଯାଇପାରିବ ନାହିଁ । ଏହାକୁ ଦୃଷ୍ଟିରେ ରଖି ଏହି ମିଲିଟାରୀ ସର୍ଭିସ ପେ ବା ଏମଏସପି ର ବ୍ୟବସ୍ଥା କରାଯାଇଛି । ସେନାରେ ଅଫିସରମାନେ ଯେଉଁ ହାରରେ ଏମଏସପି ପାଆନ୍ତି ଜେସିଓ ଓ ଯବାନମାନେ ତାଠାରୁ କମ ପାଆନ୍ତି । ଏହାକୁ ବଢାଇବା ପାଇଁ ସେନା ଦାବି କରୁଥିଲା । କିନ୍ତୁ ସରକାରଙ୍କ ନାସ୍ତିବାଣୀ ପରେ ପ୍ରାୟ ୮୭୬୪୬ ଜେସିଓ ( ଜୁନିୟର କମିଶନଡ ଅଫିସର) ଓ ନୌସେନା ଓ ବାୟୁସେନାର ପ୍ରାୟ ୨୫୪୩୪ କର୍ମଚାରୀ ପ୍ରଭାବିତ ହେବେ ।