ଜମ୍ମୁ ଓ କଶ୍ମୀର : ୨ ମାସ ପରେ ଖଲାସ ହେଲେ କଶ୍ମୀରର ୩ ରାଜନେତା
ଶ୍ରୀନଗର : ଜମ୍ମୁ ଓ କଶ୍ମୀର ପ୍ରଶାସନ ଆଜି କଶ୍ମୀରର ୩ ଜଣ ରାଜନୈତିକ ନେତାଙ୍କୁ ଗୃହବନ୍ଦୀରୁ ମୁକ୍ତ କରିଛନ୍ତି । ଏହି ୩ ଜଣ ହେଲେ ୟବାର ମିର, ନୁର ମହମ୍ମଦ ଓ ସୋଏବ ଲୋନ । ସେମାନଙ୍କୁ ଗତ ଅଗଷ୍ଟ ୫ରୁ ଗୃହବନ୍ଦୀ କରି ରଖାଯାଇଥିଲା । ଏକ ସର୍ତ୍ତପତ୍ର ବା ବଣ୍ଡରେ ସ୍ୱାକ୍ଷର କରିବାପରେ ସେମାନଙ୍କୁ ମୁକ୍ତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ୟବାର ମିର କଶ୍ମୀରର ରଫିବାବାଦ ଆସନରୁ ପିଡିପିର ଜଣେ ପୂର୍ବତନ ବିଧାୟକ ହୋଇଥିବାବେଳେ ସୋଏବ ଲୋନ କଂଗ୍ରେସ ଟିକଟରୁ ଉତ୍ତର କଶ୍ମୀରରୁ ଛିଡା ହୋଇଥିଲେ । ତାଙ୍କର ପିପୁଲ୍ସ କନଫରେନ୍ସ ମୁଖ୍ୟ ସଜ୍ଜାଦ ଲୋନଙ୍କ ସହ ଘନିଷ୍ଠ ସଂପର୍କ ରହିଛି । ସେହିପରି ନୁର ମହମ୍ମଦ ନ୍ୟାସନାଲ କନଫରେନ୍ସର ଜଣେ ବରିଷ୍ଠ କର୍ମୀ । ଏମାନେ ସମସ୍ତେ ଶାନ୍ତି ରକ୍ଷା ଓ ଉତ୍ତମ ଆଚରଣ ପାଇଁ ସରକାରଙ୍କୁ ପ୍ରତିଶ୍ରୁତି ଦେଇ ଖଲାସ ହୋଇଛନ୍ତି । ସରକାର ପୂର୍ବରୁ ସେପ୍ଟେମ୍ବର ୨୧ରେ ଆଉ ଦୁଇଜଣ ନେତା ଇମ୍ରାନ ଅନସାରୀ ଓ ସୟଦ ଅଖୁନଙ୍କୁ ସ୍ୱାସ୍ଥ୍ୟଗତ କାରଣରୁ ଖଲାସ କରିଥିଲେ ।