ଗୁଜୁରାଟର ଏହି ଗାଁରେ ନିଶ୍ୱାସ ଆଘ୍ରାଣ କରି କରି ଖୋଜା ଯାଉଛି ବର! ଏଭଳି କରିବା ପଛରେ ରହିଛି ବଡ଼ କାରଣ
ଗାନ୍ଧୀନଗର : ଗୁଜୁରାଟର ଏକ ଗାଁରେ ଏକ ଅଜବ ପରମ୍ପରା ଥିବା ସାମ୍ନାକୁ ଆସିଛି । ଗାଁରେ ଲୋକେ ଆଘ୍ରାଣ କରି ନିଜ ଝିଅ ପାଇଁ ବର ଖୋଜିଥାନ୍ତି । ବିବାହ ପୂର୍ବରୁ କନ୍ୟାପକ୍ଷରୁ ୨୫ଜଣ ସଦସ୍ୟ ଯାଇ ବର ଓ ତାଙ୍କ ପରିବାର ସଦସ୍ୟଙ୍କ ନିଶ୍ୱାସକୁ ଆଘ୍ରାଣ କରିଥାନ୍ତି । ଯଦି ସେମାନଙ୍କ ମଧ୍ୟରୁ କେହି ବି ମଦ ପିଇଥିବାର ସାମ୍ନାକୁ ଆସେ, ତେବେ ବିବାହର ରୀତିନୀତି ତୁରନ୍ତ ରୋକି ଦିଆଯାଇଥାଏ । ଏହା ସହ ବରପକ୍ଷରୁ କ୍ଷତିପୂରଣ ଆଦାୟ କରାଯାଇଥାଏ । ମଦ୍ୟପାନ ରୋକିବା ପାଇଁ ଗୁଜୁରାଟର ଗାନ୍ଧୀନଗର ନିକଟରେ ଥିବା ପିୟାଜ ଗାଁର ଲୋକେ ଏଭଳି ବାଟ ଆପଣାଉଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପିୟାଜ ଗାଁର ଲୋକେ ବିବାହ ସ୍ଥିର ହେବା ସମୟରେ ଏବଂ ବରଯାତ୍ରୀ ଆସୁଥିବା ସମୟରେ ବରପକ୍ଷର ନିଶ୍ୱାସ ପରୀକ୍ଷା କରିଥାନ୍ତି । ଯଦି କେହି ମଦ ପିଇଥିବାର ସାମ୍ନାକୁ ଆସେ ତେବେ ତୁରନ୍ତ ବିବାହକୁ ରୋକି ଦିଆଯାଏ । ବିବାହ ଭାଙ୍ଗିବା ପରେ ବରପକ୍ଷ କନ୍ୟାପକ୍ଷକୁ ୧ଲକ୍ଷଟଙ୍କାର କ୍ଷତିପୂରଣ ଦେଇଥାନ୍ତି । ୪ବର୍ଷ ତଳେ ମଦ ପାଇଁ ଗାଁର ୨୦ବର୍ଷରୁ କମ ୧୫ଜଣ ଯୁବକଙ୍କର ମୃତ୍ୟୁ ଘଟିଥିଲା, ଯାହା ପରଠାରୁ ଗାଁରେ ଏଭଳି ପ୍ରଥା ଆରମ୍ଭ ହୋଇଛି ।