ବିଶ୍ବର ସର୍ବବୃହତ ଝୋଟ ବ୍ୟାଗ୍ ସିଲେଇ କରି ରେକର୍ଡ ସୃଷ୍ଟି କଲେ ୯ ଦୃଷ୍ଟିହୀନ, ଗିନିଜ୍ ବୁକ୍ରେ ସାମିଲ ହେଲା ନାଁ
କୋଏମ୍ବାଟୁର : ଗିନିଜ୍ ବୁକ୍ରେ ନାଁ ସାମିଲ କରିବା ଓ ଲୋକମାନଙ୍କୁ ପ୍ଲାଷ୍ଟିକ ବ୍ୟବହାର ନ କରିବା ନେଇ ସଚେତନ କରିବା ପାଇଁ କୋଏମ୍ବାଟୁରର ୯ଜଣ ଦୃଷ୍ଟିହୀନ ଏକ ଭିନ୍ନ ପ୍ରୟାସ କରିଛନ୍ତି । ୬୬ଫୁଟ୍ ଉଚ୍ଚ ଓ ୩୩ଫୁଟ ଚଉଡ଼ାର ଝୋଟ ବ୍ୟାଗ୍ ତିଆରି କରି ରେକର୍ଡ଼ ସୃଷ୍ଟି କରିଛନ୍ତି । ୯ ଦୃଷ୍ଟିହୀନଙ୍କ ଏହି କାମ ସଫଳ କରିବାରେ ସାହାଯ୍ୟ କରିଥିଲେ କିନ୍ନର ସମୁଦାୟର କିଛି ସଦସ୍ୟ ଓ କୋଏମ୍ବାଟୁରରେ ଥିବା ବୈଷୟିକ ଅନୁଷ୍ଠାନର କିଛି ଛାତ୍ର ।
Sambad is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମକୁ ଆୟୋଜନ କରିଥିବା ଯୁବା ଫାଉଣ୍ଡେସନର ଅଧ୍ୟକ୍ଷ ଶଶିକଳାଙ୍କ କହିବା ଅନୁଯାୟୀ, ଫାଉଣ୍ଡେସନର ୯ଜଣ ଦୃଷ୍ଟିହୀନ ପିଲା ୬୬ଫୁଟ୍ ଲମ୍ବା ଓ ୩୩ଫୁଟ୍ ଚଉଡ଼ା ଝୋଟ ବ୍ୟାଗ୍ ତିଆରି କରି ବିଶ୍ୱ ରେକର୍ଡ଼ ସୃଷ୍ଟି କରିଛନ୍ତି । ଏଭଳି କରିବାରେ ସେମାନେ ପ୍ରଥମ ହୋଇଥିବାରୁ ଗିନିଜ୍ ବିଶ୍ୱ ରେକର୍ଡରେ ସେମାନଙ୍କ ନାଁ ସାମିଲ ହୋଇଛି । ସେମାନଙ୍କର ଏହି ଉଦ୍ୟମ ଲୋକମାନଙ୍କୁ ପ୍ଲାଷ୍ଟିକ ବ୍ୟବହାର ନ କରିବାକୁ ଅନୁପ୍ରାଣିତ କରିଛି। ପ୍ଲାଷ୍ଟିକ ପରିବର୍ତ୍ତେ ଝୋଟ ତିଆରି ଜିନିଷ ମଧ୍ୟ ବ୍ୟବହାର କରାଯାଇ ପାରିବ ବୋଲି ଏହି କାର୍ଯ୍ୟ ଦ୍ୱାରା ସଚେତନତା ବାର୍ତ୍ତା ଦିଆଯାଇଛି।