ପୁଲଓ୍ଵାମାରେ ସହିଦ ହୋଇଥିବା ଯବାନଙ୍କ ପତ୍ନୀ ପରିବା ବିକ୍ରି କରୁଥିବା ଦେଖି ମୁଖ୍ୟମନ୍ତ୍ରୀ ହେମନ୍ତ ସୋରେନ୍‌ ତୁରନ୍ତ ଏହି ପଦକ୍ଷେପ ନେଲେ

ନୂଆଦିଲ୍ଲୀ: ଗତକାଲି ପୁଲଓ୍ଵାମା ଆତଙ୍କବାଦୀ ଆକ୍ରମଣକୁ ବର୍ଷେ ପୂରିଛି। ୨୦୧୯ ମସିହା ଫେବ୍ରୁଆରି ୧୪ ତାରିଖ ଦିନ ଜମ୍ମୁ ଓ କଶ୍ମୀରର ପୁଲଓ୍ଵାମାଠାରେ ଆତଙ୍କବାଦୀ ଆକ୍ରମଣରେ ୪୦ଜଣ ଯବାନ ସହିଦ ହୋଇଥିଲେ। ଏହି ସମୟରେ ସହିଦଙ୍କ ପରିବାରକୁ ଅନେକ ଆଡୁ ସାହାଯ୍ୟ ଓ ପ୍ରତିଶ୍ରୁତି ମିଳିଥିଲା। କିନ୍ତୁ ଏହି ଘଟଣାକୁ ବର୍ଷେ ପୂରିଥିଲେ ହେଁ ଝାଡ଼ଖଣ୍ଡର ସିମଡେଗାରୁ ଏକ ଦୁଃଖଦ ଦୃଶ୍ୟ ସାମ୍ନାକୁ ଆସିଛି, ଯାହାକି ଦେଶର ସହିଦଙ୍କ ପରିବାରଙ୍କୁ ଦିଆଯାଇଥିବା ପ୍ରତିଶ୍ରୃତିକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି।

ଝାଡ଼ଖଣ୍ଡର ଗୁମଲା ଜିଲ୍ଲାରେ ବସବାସ କରୁଥିବା ବିଜୟ ସୋରେନ୍ ୨୦୧୯ ମସିହା ଫେବ୍ରୁଆରି ୧୪ ତାରିଖ ଦିନ ଜମ୍ମୁ ଓ କଶ୍ମୀରର ପୁଲଓ୍ଵାମା ଠାରେ ଆତଙ୍କବାଦୀ ଆକ୍ରମଣରେ ସହିଦ ହୋଇଥିଲେ। ବିଜୟ ସହିଦ ହେବା ପରେ ତାଙ୍କ ପରିବାର ପୂରାପୂରି ଭାଙ୍ଗି ପଡ଼ିଥିଲା। ବିଜୟଙ୍କ ପତ୍ନୀ ବିମଳା ଦେବୀ ସ୍ୱାମୀଙ୍କ ମୃତ୍ୟୁ ପରେ ପରିବାର ପ୍ରତିପୋଷଣ କରିବା ପାଇଁ କିଛି ଉପାୟ ନପାଇ ପରିବା ବିକ୍ରି କରିବା ଆରମ୍ଭ କରିଥିଲେ।

ପରିବା ବିକ୍ରି କରୁଥିବା ସମୟରେ ଶୁକ୍ରବାର ବିମଳାଙ୍କ ଏକ ଫଟୋ ସୋସିଆଲ ମିଡିଆରେ  ଭାଇରାଲ ହୋଇଥିଲା। ସହିଦ ପତ୍ନୀଙ୍କ ଏହି ଫଟୋକୁ ଜଣେ ଟୁଇଟର ବ୍ୟବହାରକାରୀ ମୁଖ୍ୟମନ୍ତ୍ରୀ ହେମନ୍ତ ସୋରେନ୍‌ଙ୍କୁ ଟ୍ୟାଗ କରି ଟୁଇଟ କରିଥିଲେ।

.@dc_simdega शहीद देश की धरोहर होते हैं। कृपया इनकी हर सम्भव मदद करते हुए ज़रूरी सभी सरकारी योजनाओं का लाभ जल्द से जल्द पहुँचाते हुए सूचित करें।

ध्यान आकृष्ट कराने के लिए बहुत बहुत धन्यवाद प्रशांत भाई। सरकार की तरफ़ से इन्हें हर सम्भव मदद की जाएगी। https://t.co/JDat37k9Ry

— Hemant Soren (@HemantSorenJMM) February 14, 2020

ଏହାପରେ ମୁଖ୍ୟମନ୍ତ୍ରୀ ସୋରେନ୍‌ ଏହି ଘଟଣାକୁ ଗମ୍ଭୀରତା ସହ ନେଇ ସିମଡେଗା ଜିଲ୍ଲା ପ୍ରଶାସନଙ୍କୁ ତତ୍କାଳ ସହିଦ ପରିବାରଙ୍କୁ ସାହାଯ୍ୟ ପାଇଁ ନିର୍ଦ୍ଦେଶ ଦେଇଥିଲେ। ସେ ସିମଡେଗାର ଡେପୁଟି କିମଶନର (ଡିସି)ଙ୍କୁ ଟ୍ୟାଗ କରି କହିଥିଲେ, ‘ସହିଦ ଯବାନ ଦେଶ ପାଇଁ ଅନେକ ଗୁରୁତ୍ୱ ରଖି ଥାଆନ୍ତି। ଦୟାକରି ଯଥା ସମ୍ଭବ ସେମାନଙ୍କ ପରିବାରକୁ ଜରୁରୀ ସମସ୍ତ ସରକାରୀ ଯୋଜନାର ସୁବିଧା ପହଞ୍ଚାଯାଉ।’