ଜାଣନ୍ତୁ ପ୍ରଧାନମନ୍ତ୍ରୀ ମୋଦୀ ଓ ଡୋନାଲ୍ଡ ଟ୍ରମ୍ପଙ୍କ ସହ ସେଲ୍ଫି ନେବାର ସୌଭାଗ୍ୟ ପାଇଥିବା ୯ବର୍ଷର ବାଳକଟି କିଏ?
ନୂଆଦିଲ୍ଲୀ : ଗତକାଲି ଆମେରିକାର ହଷ୍ଟନ ସହରରେ ହାଓଡ଼ି ମୋଦୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ମୋଦୀ ଓ ଟ୍ରମ୍ପଙ୍କ ବନ୍ଧୁତାର ଝଲକ ଦେଖିବାକୁ ମିଳିଥିଲା । ଦୁହେଁ ହାତରେ ହାତ ରଖି କାର୍ଯ୍ୟକ୍ରମ ସ୍ଥଳକୁ ପ୍ରବେଶ କରିଥିଲେ । ତେବେ ଏହି ସମୟରେ ଜଣେ ୯ବର୍ଷୀୟ ବାଳକ କରିଥିବା କାମ ଆଜି ସାରା ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି । ଏକା ସାଙ୍ଗରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ସେଲ୍ଫି ନେବାର ସୁଯୋଗ ପାଇଥିବାରୁ ଏବେ ସାରା ଦେଶର ଲୋକେ ବାଳକକୁ ଭାଗ୍ୟବାନ୍ ବୋଲି କହିବା ଆରମ୍ଭ କରିଛନ୍ତି । ବାଳକଟିର ନାଁ ସାତ୍ତ୍ୱିକ୍ ହେଗ୍ଡେ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପିଏମ୍ଓ ଇଣ୍ଡିଆ ଟୁଇଟ୍ର ଆକାଉଣ୍ଟରେ ସେୟାର କରାଯାଇଥିବା ଭିଡିଓରେ ଦେଖା ଯାଇଛି କି, ମଞ୍ଚ ଉପରକୁ ଯିବା ପୂର୍ବରୁ କିଛି ଭାରତୀୟ ପିଲାମାନେ ପାରମ୍ପରିକ ପୋଷାକ ପିନ୍ଧି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସ୍ୱାଗତ କରିବା ପାଇଁ ଠିଆ ହୋଇଛନ୍ତି । ମୋଦୀ ଏବଂ ଟ୍ରମ୍ପ ସେମାନଙ୍କ ସହ କଥା ହୋଇ ଆଗକୁ ବଢ଼ୁଥିବା ବେଳେ ଟ୍ରମ୍ପ ସାତ୍ତ୍ୱିକ୍ଙ୍କ ହାତରେ ମୋବାଇଲ୍ ଫୋନ ଦେଖି ଅଟକି ଯାଉଛନ୍ତି । ଟ୍ରମ୍ପଙ୍କୁ ଅଟକିବା ଦେଖି ମୋଦୀ ମଧ୍ୟ ଅଟକୁଛନ୍ତି । ଏ ସମୟରେ ସାତ୍ତ୍ୱିକ୍ ନିଜ ପାଖରେ ଥିବା ଫୋନ ସାହାଯ୍ୟରେ ଦୁହିଁଙ୍କ ସହ ସେଲ୍ଫି ନେବା ପାଇଁ ଅନୁମତି ମାଗୁଛନ୍ତି । ପରେ ଦୁହେଁ ରାଜି ହେବାରୁ ସାତ୍ତ୍ୱିକ୍ ମୋଦୀଜି ଓ ଟ୍ରମ୍ପଙ୍କ ସହ ସେଲ୍ଫି ଉଠାଉଛନ୍ତି । ଏବେ ସେଲ୍ଫିଟି ସାରା ବିଶ୍ୱରେ ଲୋକପ୍ରିୟ ହେବାରେ ଲାଗିଛି ।
Memorable moments from #HowdyModi when PM @narendramodi and @POTUS interacted with a group of youngsters. pic.twitter.com/8FFIqCDt41
— PMO India (@PMOIndia) September 23, 2019
ସାତ୍ତ୍ୱିକ୍ କର୍ଣ୍ଣାଟକର ଉତ୍ତର କନ୍ନଡ଼ ଜିଲ୍ଲାରେ ରହୁଥିବା ବେଳେ ତାଙ୍କ ବାପାଙ୍କ ନାଁ ପ୍ରଭାକର ହେଗ୍ଡେ ଓ ମା’ଙ୍କ ନାଁ ମେଧା ହେଗ୍ଡେ ବୋଲି ଜଣା ପଡ଼ିଛି ।