ଭୁବନେଶ୍ୱର : ଅତି ଭୀଷଣ ସାମୁଦ୍ରିକ ବାତ୍ୟା ତିତଲିକୁ ନେଇ ସାରା ଓଡ଼ିଶା ଥରହର ହେଉଥିବାବେଳେ ଏକ ମହାକାୟ ମହାବାତ୍ୟା ଏବେ ଆମେରିକାର ଫ୍ଲୋରିଡା ଉପକୂଳ ଆଡେ ମୁଁହାଇଛି । ଏହାକୁ କ୍ୟାଟେଗୋରୀ –୪ ବାତ୍ୟାର ମାନ୍ୟତା ଦିଆଯାଇଛି । ଆଉ କିଛି ସମୟ ପରେ ଏହା ସ୍ଥଳଭାଗ ଛୁଇଁବାକୁ ଯାଉଥିବାବେଳେ ଏବେ ସେଠାରେ ପବନର ବେଗ ଘଣ୍ଟାପ୍ରତି ୨୨୫ କିଲୋମିଟର ରହିଛି । ଏହା ଏହି ବେଗରେ ସ୍ଥଳଭାଗ ଛୁଇଁଲେ ତାହା ଫ୍ଲୋରିଡାକୁ ଆସିଥିବା ସବୁଠାରୁ ଭୟଙ୍କର ସାମୁଦ୍ରିକ ବାତ୍ୟାରେ ପରିଣତ ହେବ । ଏପରିକି ଏହା କ୍ୟାଟେଗୋରୀ-୫ ବାତ୍ୟାରେ ପରିଣତ ହେବାର ସମ୍ଭାବନା ରହିଛି ବୋଲି ନାସା କହିଛି । ଏପରି ହେଲେ ତାହା ଓଡ଼ିଶାକୁ ୧୯୯୯ ମସିହାରେ ଆସିଥିବା ମହାବାତ୍ୟାର ସମକକ୍ଷ ହୋଇଯିବ । ଏଥିରୁ ଏହି ବାତ୍ୟା କେତେ ଭୟଙ୍କର ହେବାକୁ ଯାଉଛି ତାହା ସହଜେ ଅନୁମେୟ । ଏହି ବାତ୍ୟା ପ୍ରଭାବରେ ଆମେରିକାର ଫ୍ଲୋରିଡା ସ୍ଥିତ ପେଣ୍ଟହାଣ୍ଡଲରେ ଇତି ମଧ୍ୟରେ ପ୍ରବଳ ବର୍ଷା ଓ ପବନ ଆରମ୍ଭ ହୋଇଯାଇଛି । ଲୋକମାନଙ୍କୁ ସୁରକ୍ଷିତ ସ୍ଥାନକୁ ନିଆଯାଉଛି ।
Sambad is now on WhatsApp
Join and get latest news updates delivered to you via WhatsApp
FLORIDA – It is imperative that you heed the directions of your State and Local Officials. Please be prepared, be careful and be SAFE! #HurricaneMichael https://t.co/VP6PBXfzm9 pic.twitter.com/aKmaDNgZve
— Donald J. Trump (@realDonaldTrump) October 9, 2018
କୌଣସି ସାମୁଦ୍ରିକ ବାତ୍ୟାରେ ପବନର ବେଗ ୨୨୫ରୁ ୨୭୯ କିଲୋମିଟର ପର୍ଯ୍ୟନ୍ତ ରହିଲେ ତାହାକୁ କ୍ୟାଟେଗୋରୀ-୪ ବାତ୍ୟା ବୋଲି କୁହାଯାଏ । ସେହିପରି ବାତ୍ୟା ପବନର ବେଗ ୯୦ରୁ ୧୨୫ କିଲୋମିଟର ମଧ୍ୟରେ ରହିଲେ ତାହାକୁ କ୍ୟାଟେଗୋରୀ-୧ ବାତ୍ୟା ବୋଲି କୁହାଯାଏ । ତେବେ ଆସନ୍ତା କାଲି ତିତଲିର ବେଗ ଘଣ୍ଟାପ୍ରତି ୧୬୦ କିଲୋମିଟର ପର୍ଯ୍ୟନ୍ତ ବୃଦ୍ଧି ପାଇବାର ଥିବାରୁ ଆସନ୍ତା କାଲି ତିତଲି ଏକ କ୍ୟାଟେଗୋରୀ-୨ ବାତ୍ୟାରେ ପରିଣତ ହେବ ।