ସ୍ତ୍ରୀର ଅନ୍ୟ ପୁରୁଷ ସହ ଅନୈତିକ ସଂପର୍କ ଥିବା ଜାଣି ପ୍ରେମିକକୁ କହିଲା ସ୍ୱାମୀ- ୧୦ଲକ୍ଷ ଟଙ୍କା ଦିଅ, ଯାହା କରିବାର ଅଛି କର
ରାୟପୁର : ଛତିଶଗଡ଼ର ବିଳାସପୁରରେ ଘଟିଥିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସ୍ତ୍ରୀକୁ ନିଜ ଶୋଇବା ଘରେ ଅନ୍ୟ ପୁରୁଷ ସହ ଦେଖି ସ୍ୱାମୀ ଦେଇଥିବା ପ୍ରତିକ୍ରିୟାକୁ ନେଇ ଏବେ ଚର୍ଚ୍ଚା ଜୋର ଧରିଛି । ସ୍ତ୍ରୀକୁ ତା’ ପ୍ରେମିକ ସହ ଦେଖି ସ୍ୱାମୀ ମନ ଦଃଖ କରିବା ପରିବର୍ତ୍ତେ ସ୍ତ୍ରୀର ପ୍ରେମିକକୁ ୧୦ଲକ୍ଷ ଟଙ୍କା ମାଗିଥିଲା । ଦୁହିଁଙ୍କ ସଂପର୍କ ବିଷୟରେ ଯେମିତି କେହି ନ ଜାଣନ୍ତୁ ସେ ନେଇ ସ୍ୱାମୀ ସ୍ତ୍ରୀର ପ୍ରେମିକକୁ ୧୦ଲକ୍ଷ ଟଙ୍କା ଦେବା ପାଇଁ କହିଥିଲା । ଏହା ସହ ଟଙ୍କା ଦେଇ ଯାହା କରିବାର ଅଛି କର, ମୋର କୌଣସି ଆପତ୍ତି ନାହିଁ ବୋଲି କହିବା କଥା ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଓଖର ଗ୍ରାମର ଜଣେ ମହିଳା ପାଖ ଗାଁର ଇଶ୍ୱର ନାମକ ଜଣେ ପୁରୁଷଙ୍କ ସହ ଶାରୀରିକ ସଂପର୍କ ରଖୁଥିଲେ । ଏନେଇ ମହିଳାଙ୍କ ସ୍ୱାମୀ ବିମଲଙ୍କୁ ସନ୍ଦେହ ହେବା ପରେ ସେ ନିଜ ସ୍ତ୍ରୀର ପିଛା କରି ସତ ଜାଣି ପାରିଥିଲେ । ଦୁହିଁଙ୍କ ବିଷୟରେ ଜାଣିବା ପରେ କେହି ଯେମିତି ଏ ବିଷୟରେ ନ ଜାଣନ୍ତି ସେଥି ପାଇଁ ବିମଲ ଇଶ୍ୱରଙ୍କୁ ୧୦ଲକ୍ଷ ଟଙ୍କା ମାଗିଥିଲେ । ଇଶ୍ୱର ୧୦ଲକ୍ଷ ଦେବା ପରେ ବିମଲ ନିଜ ସ୍ତ୍ରୀଙ୍କୁ ନେଇ ଇଶ୍ୱର ତାଙ୍କ ସ୍ତ୍ରୀ ସହ ଦୁଷ୍କର୍ମ କରିଥିବା ଅଭିଯୋଗ କରିଥିଲେ । ବିମଲ ଅଭିଯୋଗ କରିଥିବା ଜାଣି ଇଶ୍ୱର ମଧ୍ୟ ବିମଲଙ୍କ ବିରୋଧରେ ଧମକ ଦେଇ ୧୦ଲକ୍ଷ ଟଙ୍କା ନେଇଥିବାର ଅଭିଯୋଗ ଆଣିଥିଲେ । ପୁଲିସ ଦୁଇ ପକ୍ଷର ଅଭିଯୋଗ ଶୁଣିବା ପରେ ଖବରର ସତ୍ୟତା ଜାଣିବା ପାଇଁ ତଦନ୍ତ ଆରମ୍ଭ କରିଥିବା ଜଣା ପଡ଼ିଛି ।