ହାଇଦ୍ରାବାଦ୍: ହାଇଦ୍ରାବାଦ୍ ଡାକ୍ତରାଣୀଙ୍କୁ ଦୁଷ୍କର୍ମ ଓ ହତ୍ୟା କରିଥିବା ଅଭିଯୁକ୍ତମାନଙ୍କୁ ଶୁକ୍ରବାର ବଡ଼ି ଭୋର୍ରୁ ତେଲେଙ୍ଗାନା ପୁଲିସ୍ ଏନ୍କାଉଣ୍ଟର୍ରେ ନିହତ କରିବା ନେଇ ସାରା ଦେଶ ଖୁସି ମନାଉଥିବା ବେଳେ ଅଭିଯୁକ୍ତମାନଙ୍କ ପରିବାରରେ ଖେଳିଯାଇଛି ଦୁଃଖର ଲହରୀ। ନିଜ ପୁଅର ଭୁଲ୍କୁ ସମର୍ଥନ ନ କରୁଥିଲେ ମଧ୍ୟ ପୁଅର ଏନ୍କାଉଣ୍ଟ୍ରରେ ଏଭଳି ଭାବେ ଅଚାନକ ମୃତ୍ୟୁକୁ ସହଜରେ ଗ୍ରହଣ କରିପାରିନାହାନ୍ତି ସେମାନଙ୍କ ବାପାମାଆ ଓ ପତ୍ନୀ।
Sambad is now on WhatsApp
Join and get latest news updates delivered to you via WhatsApp
ତେବେ, ଏହି ଏନ୍କାଉଣ୍ଟର୍କୁ ନେଇ ନିଜର ଖୁସି ବ୍ୟକ୍ତ କରିଛନ୍ତି ଆଉ ଜଣେ ଦୁଷ୍କର୍ମ ପୀଡ଼ିତାଙ୍କ ମାଆ। ୨୦୧୨ ମସିହାର ଦିଲ୍ଳୀର ଲୋମଟାଙ୍କୁରା ଗଣଦୁଷ୍କର୍ମ ଓ ହତ୍ୟାର ଶିକାର ହୋଇଥିବା ନିର୍ଭୟାଙ୍କ ମାଆ ଆଶା ଦେବୀ କହିଛନ୍ତି କି ‘ଏହିପରି ଖବର ମୋ ଘାଆ ପାଇଁ ମଲମ ପରି। ଯାହାହେଉ, ଜଣେ ଝିଅକୁ ତ ନ୍ୟାୟ ମିଳିଲା। ମୁଁ ପୁଲିସ୍କୁ ଧନ୍ୟବାଦ ଦେଉଛି। ମୁଁ ୭ ବର୍ଷ ହେଲା ଚିତ୍କାର କରି ଚାଲିଛି। ଯଦି ଆବଶ୍ୟକ ପଡୁଛି ତେବେ ନିୟମ ଭଙ୍ଗ କରି ମଧ୍ୟ ଦୋଷୀଙ୍କୁ ଦଣ୍ଡ ଦିଆଯାଉ। ଦେଖନ୍ତୁ କିପରି ଭାବେ ସମାଜ ଭଲ ପାଇଁ ବଦଳୁଛି।’
ସେ କହିଛନ୍ତି କି ଦୀର୍ଘ ୭ ବର୍ଷ ପରେ ବି ସେ ଏବେ ମଧ୍ୟ କୋର୍ଟକୁ ଦଉଡୁଛନ୍ତି। ଡିସେମ୍ବର ୧୩ ହେଉଛି ଆଉ ଏକ ତାରିଖ ଓ ମୋତେ କୋର୍ଟ ଯିବାକୁ ହେବ। ହାଇଦ୍ରାବାଦ୍ ପୀଡ଼ିତାଙ୍କ ମାଆବାପାଙ୍କୁ ଏବେ ଶାନ୍ତି ମିଳୁଥିବ। ଏହି ପ୍ରକାରର ଜଘନ୍ୟ ଅପରାଧୀଙ୍କ ମନରେ ଏକ ଭୟ ସୃଷ୍ଟି ହୋଇ ସାରିଥିବ।’