ଏନକାଉଣ୍ଟର୍ ପରେ ପ୍ରତିକ୍ରିୟା ପ୍ରକାଶ କରିଲେ ବଲିଉଡ କଳାକାର ଋଷି କପୁର ଓ ଅନୁପମ ଖେର

ମୁମ୍ବାଇ: ହାଇଦ୍ରାବାଦ ପ୍ରାଣୀ ଚିକିତ୍ସିକାଙ୍କ ସହ ଗଣ ଦୁଷ୍କର୍ମ କରି ତାଙ୍କୁ ହତ୍ୟା କରିବା ଘଟଣାରେ ସମ୍ପୃକ୍ତ ଚାରି ଅଭିଯୁକ୍ତ ଆଜି ପୁଲିସ ଏନକାଉଣ୍ଟରରେ ନିହତ ହେବା ପରେ ବଲିଉଡ କଳାକାରମାନେ ନିଜ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି।

ବଲିଉଡର ବରିଷ୍ଠ କଳାକାର ଋଷି କପୁର ନିଜର ଟୁଇଟରରେ ଲେଖିଛନ୍ତି ‘ସାବାସ ତେଲେଙ୍ଗାନା ପୁଲିସ୍ , ମୋର ଅଭିନନ୍ଦନ।’

Congratulations and #JaiHo to #TelenganaPolice for shooting down the four rapists of #PriyankaReddy in an “ENCOUNTER”. चलो! अब जितने भी लोगों ने ऐसा घिनोना अपराध करने वालों के ख़िलाफ़ आवाज़ उठाई थी और उनके लिए ख़तरनाक से ख़तरनाक सज़ा चाही थी, मेरे साथ ज़ोर से बोलो – #जयहो।👏👍

— Anupam Kher (@AnupamPKher) December 6, 2019

ବରିଷ୍ଠ ଅଭିନେତା ଅନୁପମ ଖେର ନିଜର ଟୁଇଟରରେ ଲେଖିଛନ୍ତି ‘ପ୍ରିୟଙ୍କା ରେଡିଙ୍କ ସହ ଗଣ ଦୁଷ୍କର୍ମ କରି ତାଙ୍କୁ ହତ୍ୟା କରିବା ଘଟଣାରେ ସମ୍ପୃକ୍ତ ଚାରି ଅଭିଯୁକ୍ତଙ୍କୁ ପୁଲିସ୍ ଏନକାଉଣ୍ଟର କରିଥିବାରୁ ଅଭିନନ୍ଦନ ଏବଂ ଜୟ ହୋ ତେଲେଙ୍ଗାନା ପୁଲିସ୍।’ ଯେଉଁମାନେ ଏହି ଜଘନ୍ୟ ଅପରାଧୀଙ୍କ ବିରୁଦ୍ଧରେ ସ୍ବର ଉତ୍ତୋଳନ କରିଥିଲେ ଏବଂ କଠୋର ଶାସ୍ତି ଲାଗି ଦାବି କରିଥିଲେ, ସେମାନେ ମୋ’ ସହିତ ଜୋରରେ କୁହନ୍ତୁ ଜୟ ହୋ’

ଠିକ୍ ସେହିପରି ବଲିଉଡର ଜଣାଶୁଣା ଅଭିନେତା ଡିନୋ ମୋରେଆ ନିଜର ପ୍ରତିକ୍ରିୟା ପ୍ରକାଶ କରି ଟୁଇଟରରେ ଲେଖିଛନ୍ତି ‘ଉପଯୁକ୍ତ ନ୍ୟାୟ ମିଳିଛି।’