କାର୍ର ନମ୍ବର ପ୍ଲେଟରେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ନାଁ ଥିବା ଫଟୋ ଭାଇରାଲ, ଲେଖିବା ପଛର କାରଣ ଜାଣି ଆଶ୍ଚର୍ଯ୍ୟ ହୋଇଗଲା ପୁଲିସ
ହାଇଦ୍ରାବାଦ୍ : ସେପ୍ଟେମ୍ବର ୧ରୁ ସାରା ଭାରତରେ ନୂଆ ମୋଟରଯାନ ଆଇନ ଲାଗୁ କରାଯାଇଥିଲା । ଯାହାଦ୍ୱାରା ଟ୍ରାଫିକ ନିୟମ ଉଲ୍ଲଂଘନ କରୁଥିବା ଲୋକଙ୍କଠାରୁ ଟ୍ରାଫିକ ପୁଲିସ ହଜାର ହଜାର ଟଙ୍କାର ଜରିମାନା ଆଦାୟ କରିଥିଲା । କିଛି ଲୋକ ଭାରୀ ଜରିମାନାରୁ ବଞ୍ଚିବା ପାଇଁ ଘରୁ ବାହାରୁ ନଥିବା ବେଳେ କିଛି ନିଜ ଗାଡ଼ିରେ ପୁଲିସ, ପ୍ରେସ୍, ଜଜ୍ ବା ବିଧାୟକଙ୍କ ଷ୍ଟିକର ଲଗାଇ ଗାଡ଼ି ଚଳାଉଥିବାର ଦେଖାଯାଉଛି । କିନ୍ତୁ ହାଇଦ୍ରାବାଦ୍ର ଜଣେ ଚାଳକ କରିଥିବା କାମ ଏବେ ଟ୍ରାଫିକ ପୁଲିସ ସମେତ ଅନେକଙ୍କୁ ଆଶ୍ଚର୍ଯ୍ୟ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ହାଇଦ୍ରାବାଦ୍ର ଜଣେ ଯୁବକ ନିଜ କାର୍ରେ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଙ୍କ ନାଁ ଲେଖି ଗାଡ଼ି ଚଳାଉଥିଲେ । ନମ୍ବର ପ୍ଲେଟ୍ ସ୍ଥାନରେ ମୁଖ୍ୟମନ୍ତ୍ରୀଙ୍କ ନାଁ ଦେଖି ପୁଲିସ ଗାଡ଼ି ଅଟକାଇଥିଲା । ପରେ ତାହା ମୁଖ୍ୟମନ୍ତ୍ରୀଙ୍କ ଗାଡ଼ି ନୁହେଁ ବୋଲି ଜାଣି ପୁଲିସ ଗାଡ଼ିକୁ ଜବତ କରିଥିଲା । ପଚରାଉଚରା ପରେ ଏଭଳି କରିବାର ପ୍ରକୃତ କାରଣ ସାମ୍ନାକୁ ଆସିଥିଲା ।
Telangana: Case registered against a person by Jeedimetla police for driving a car with ‘AP CM JAGAN’ written on it, in place of the vehicle’s registration number. #Hyderabad pic.twitter.com/kSw40Szwsu
— ANI (@ANI) October 22, 2019
ପୁଲିସର କହିବାନୁସାରେ, ଅକ୍ଟୋବର ୧୯ରେ ଗାଡ଼ିର ନମ୍ବର ପ୍ଲେଟ୍ ସ୍ଥାନରେ ଏପି ସିଏମ୍ ଜଗନ ଲେଖିଥିବା ଦେଖି ଗାଡ଼ିକୁ ଅଟକାଯାଇଥିଲା । ପରେ ତାହା ମୁଖ୍ୟମନ୍ତ୍ରୀଙ୍କ ଗାଡ଼ି ନୁହଁ ବୋଲି ଜାଣି ପୁଲିସ ଗାଡ଼ି ଚଳାଉଥିବା ଏମ୍ ହରି ରାକେଶଙ୍କୁ ଅଟକ ରଖି ପଚରାଉଚରା କରିଥିଲା । ପଚରାଉଚରା ପରେ ଟୋଲ ଫି’ ଓ ଟ୍ରାଫିକ ପୁଲିସର ଆଖିରୁ ବଞ୍ଚିବା ପାଇଁ ଏଭଳି କରିଥିବା ସ୍ୱୀକାର କରିଥିଲେ ଏମ୍ ହରି ରାକେଶ । ଦୋଷ ମାନିବା ପରେ ପୁଲିସ ଏବେ ଏମ୍ ହରି ରାକେଶ ବିରୋଧରେ ଧାରା ୪୨୦ ଓ ୨୧୦ଅନୁଯାୟୀ ଏତଲା ରୁଜୁ କରିଛି ।