କେରଳରେ ବର୍ଷା ବିତ୍ପାତ : ୨୬ବର୍ଷ ପରେ ଖୋଲିଲା ଇଦୁକି ଡ୍ୟାମ୍ର ଗେଟ୍, ଲଗାଣ ବର୍ଷା ହେତୁ ୨୪ଘଣ୍ଟାରେ ୨୨ଜଣଙ୍କର ମୃତ୍ୟୁ
ଥିରୁବନନ୍ତପୁରମ୍ : କେରଳରେ ଦେଖା ଦେଇଛି ବର୍ଷାର ତାଣ୍ଡବ । ବର୍ଷା ବିତ୍ପାତ ହେତୁ କେରଳ ବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହେବାକୁ ପଡ଼ିଛି । ଲଗାଣ ବର୍ଷା ହେତୁ କେରଳରେ ଥିବା ଇଦୁକି ଡ଼୍ୟାମ୍ର ସ୍ଲୁଇସ୍ ଗେଟ୍ ୨୬ବର୍ଷ ପରେ ଖୋଲା ଯାଇଥିବା ଜଣାପଡ଼ିଛି । ଡ୍ୟାମ୍ରେ ପାଣିର ପରିମାଣ ଅଧିକ ହେବାରୁ ସରକାର ଏହି ନିଷ୍ପତ୍ତିି ନେବାକୁ ବାଧ୍ୟ ହୋଇଥିବା କହିଛନ୍ତି । ଏହା ସହ ଏହା ଦ୍ୱାରା ଯେମିତି ଲୋକମାନଙ୍କର କୌଣସି କ୍ଷତି ନ ହୁଏ ସେଥି ପାଇଁ ଡ଼୍ୟାମ୍ ପାଖରେ ରହୁଥିବା ୩ହଜାର ଲୋକଙ୍କୁ ସ୍ଥାନାନ୍ତର କରାଯାଇ ସୁରକ୍ଷିତ ସ୍ଥାନକୁ ନିଆ ଯାଇଥିବା ସୂଚନା ମିଳିଛି । ଲୋକମାନଙ୍କ ଉଦ୍ଧାରକାର୍ଯ୍ୟ ପାଇଁ ସରକାର ସାମରିକ ବାହିନୀର ସାହାଯ୍ୟ ନେଇଛନ୍ତି। ଲଗାଣ ବର୍ଷା ହେତୁ ୨୪ଘଣ୍ଟା ମଧ୍ୟରେ ୨୨ଜଣ ପ୍ରାଣ ହରାଇ ସାରିଥିବା ବେଳେ ଏହା ସରକାରଙ୍କ ପାଇଁ ଚିନ୍ତାର ବିଷୟ ପାଲଟିଛି ।
Sambad is now on WhatsApp
Join and get latest news updates delivered to you via WhatsApp
୪୫ବର୍ଷ ପୁରୁଣା ଇଦୁକି ଡ଼୍ୟାମ୍ର ଜଳସ୍ତର କେବେ ହେଲେ ଏତେ ହୋଇ ନଥିବା ବେଳେ ପ୍ରଥମ ଥର ପାଇଁ ଏଭଳି ହେବା କେରଳବାସୀଙ୍କୁ ଚିନ୍ତାରେ ପକାଇଛି । ଏହି ବର୍ଷାରେ ପାଖା ପାଖି ୧,୦୦୦ରୁ ଅଧିକ ଘରଭାଙ୍ଗି ଯାଇଛି । କେରଳର ୬ଟି ଜିଲ୍ଲାରେ ସ୍କୁଲ କଲେଜକୁ ବନ୍ଦ କରି ଦିଆଯିବା ସହ ପହାଡ଼ିଆ ଅଞ୍ଚଳରେ ଯାତାୟତ କରିବା ପାଇଁ ବାରଣ କରାଯାଇଛି ।