ନୂଆଦିଲ୍ଲୀ: ଦେଶରେ ତୀବ୍ର ରାଜନୈତିକ-ଅମଲାତାନ୍ତ୍ରିକ ଉଦାସୀନତା ଏବଂ ଦାୟିତ୍ୱହିନତା କାରଣରୁ ସେନା ପୁରୁଣା ବିମାନ ଚଳାଇ ଲଢ଼େଇ କରିବାକୁ ବାଧ୍ୟ ହେଉଛି ବୋଲି ଗତ ଶୁକ୍ରବାର ଦିନ ବେଙ୍ଗାଲୁରୁ ଠାରେ ମିରେଜ୍-୨୦୦୦ ବିମାନ ଦୁର୍ଘଟନା ଯୋଗୁଁ ପ୍ରାଣ ହରାଇଥିବା ଦୁଇ ଜଣ ଟେଷ୍ଟ୍ ପାଇଲଟ୍ଙ୍କ ଭାଙ୍ଗିପଡ଼ିଥିବା ପରିବାର ଲୋକେ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସ୍କ୍ଵାଡର୍ଣ୍ଣ ଲିଡର୍ ସମୀର ‘ବ୍ୟାଟ୍ମ୍ୟାନ୍’ ଆବ୍ରୋଲ୍ଙ୍କ ସାନଭାଇ ସୁଶାନ୍ତଙ୍କ ରଚିତ ଓ ସମୀରଙ୍କ ପତ୍ନୀ ଗରିମାଙ୍କ ଦ୍ୱାରା ଇନ୍ଷ୍ଟାଗ୍ରାମ୍ରେ ପୋଷ୍ଟ୍ ହୋଇଥିବା ଏକ କବିତାରୁ ତାଙ୍କ ପରିବାର, ବନ୍ଧୁ ଓ ସହକର୍ମୀଙ୍କ ଅସନ୍ତୋଷ ଓ ଦୁଃଖ ବାରି ହୋଇପଡୁଛି।
୨୦୧୫-୧୬ରୁ ଦୁର୍ଘଟନା କାରଣରୁ ଭାରତୀୟ ସଶସ୍ତ୍ରବାହିନୀ ୩୫ ରୁ ଅଧିକ ବିମାନ ଓ ହେଲିକପ୍ଟର୍ ହରାଇଛି ଏବଂ ଏଥିଯୋଗୁଁ ୪୫ ଜଣଙ୍କର ମୃତ୍ୟୁ ଘଟିଛି। ଯଦି ୨୦୧୧ରୁ ହିସାବ କରାଯାଏ ତେବେ ଭାରତୀୟ ବାୟୁସେନା, ସେନା ଏବଂ ନୌସେନାର ୭୫ଟି ବିମାନ ଓ ହେଲିକପ୍ଟର୍ ଦୁର୍ଘଟନାଗ୍ରସ୍ତ ହୋଇଛି ଏବଂ ୮୦ରୁ ଅଧିକ ଲୋକ ପ୍ରାଣ ହରାଇଛନ୍ତି।