ବଢିଚାଲିଛି ସୀମା ସେପଟୁ ପାକିସ୍ତାନର ଗୁଳିବର୍ଷଣ, ସୀମାରେ ରହୁଥିବା ଲୋକଙ୍କ ପାଇଁ ବଙ୍କର ନିର୍ମାଣ କରିବେ ସରକାର

0 269

ନୂଆଦିଲ୍ଲୀ : ସୀମାରେ ପାକିସ୍ତାନ ପଟୁ ଗୁଳିଗୋଳା ବର୍ଷଣ ବଢିଚାଲିଥିବାବେଳେ ଭାରତୀୟ ସେନା ମଧ୍ୟ ତାହାର ଉଚିତ ଜବାବ ଦେଉଛି । ତଥାପି ସୀମା ସେପଟୁ ଗୁଳିବର୍ଷଣ କମୁନାହିଁ । ଏହା ଫଳରେ ସୀମାରେ ଥିବା ଗାଁରେ ରହୁଥିବା ନିରୀହ ଲୋକ ଓ ଗୃହପାଳିତ ପଶୁ ଗୁରୁତର ଭାବେ ପ୍ରଭାବିତ ହେଉଛନ୍ତି । ଏସବୁ ଲୋକମାନଙ୍କୁ ସୁରକ୍ଷା ଯୋଗାଇବା ପାଇଁ ସରକାର ଏବେ ସୀମାରେ ସାଧାରଣ ଲୋକମାନଙ୍କ ପାଇଁ ବଙ୍କର ନିର୍ମାଣ କାମ ହାତକୁ ନେଇଛନ୍ତି ।

କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରଣାଳୟରେ ଏକ ଉଚ୍ଚସ୍ତରୀୟ ବୈଠକରେ ସୋମବାର ସ୍ୱରାଷ୍ଟ୍ର ମନ୍ତ୍ରୀ ରାଜନାଥ ସିଂହ ଜମ୍ମୁ-କାଶ୍ମୀର ବ୍ୟାପାର ବିଭାଗ କାର୍ଯ୍ୟର ସମୀକ୍ଷା କରିଥିଲେ । ଚଳିତ ବର୍ଷ ପାକିସ୍ତାନ ପକ୍ଷରୁ ୧୨୫୨ ଥର ଅସ୍ତ୍ରବିରତି ଉଲ୍ଲଂଘନ ହୋଇଥିବାରୁ ସୀମାବର୍ତ୍ତୀ ଇଲାକାର ଲୋକଙ୍କ ସୁରକ୍ଷା ପାଇଁ ଆନ୍ତର୍ଜାତିକ ସୀମାରେଖା (ଇଣ୍ଟରନ୍ୟାସନାଲ ବର୍ଡର) ଏବଂ ନିୟନ୍ତ୍ରଣ ରେଖା ବଙ୍କର ନିର୍ମାଣ ତ୍ୱରାନ୍ୱିତ କରିବାକୁ ସ୍ୱରାଷ୍ଟ୍ର ମନ୍ତ୍ରୀ ନିର୍ଦ୍ଦେଶ ଦେଇଥିଲେ । କଠୁଆ, ସାମ୍ବା, ଜମ୍ମୁ, ରାଜୌରୀ ଏବଂ ପୁଞ୍ଚ୍ ଜିଲ୍ଲାରେ ୧୪ ହଜାରରୁ ଅଧିକ ବଙ୍କର ନିର୍ମାଣ କରିବାକୁ ସ୍ୱରାଷ୍ଟ୍ର ମନ୍ତ୍ରଣାଳୟ ୪୧୫ କୋଟି ଟଙ୍କା ମଂଜୁର କରିଥିଲା । ଜୁଲାଇ ମାସରୁ ୧୪୩୧ ଗୋଷ୍ଠୀ ଏବଂ ୧୩ ହଜାର ବ୍ୟକ୍ତିଗତ ବଙ୍କର ନିର୍ମାଣ କାର୍ଯ୍ୟ ଆରମ୍ଭ ହେବ ।

Panda Mobile only

ଏହାଛଡା ସୀମାପାରି ଗୁଳି ବିନିମୟ ଯୋଗୁ କ୍ଷତିଗ୍ରସ୍ତ ହେଉଥିବା ଲୋକଙ୍କୁ ଏନଡିଆରଏଫ୍ ଧାର୍ଯ୍ୟ କରିଥିବା ପରିମାଣ ଅନୁଯାୟୀ କ୍ଷତିପୂରଣ ଦିଆଯାଉଛି ଏବଂ ତିନୋଟି ଗୃହପାଳିତ ପଶୁ ମୃତ୍ୟୁର ଯେଉଁ ସୀମା କ୍ଷତିପୂରଣ ପ୍ରସ୍ତାବରେ ଥିଲା ତାହାକୁ ଉଠାଇ ଦିଆଯାଇଛି । ଗୃହପାଳିତ ପଶୁଙ୍କ ମୃତ୍ୟୁ ପାଇଁ କ୍ଷତିପୂରଣ ପରିମାଣ ୩୦ ହଜାର ଟଙ୍କାରୁ ୫୦ ହଜାର ଟଙ୍କାକୁ ବୃଦ୍ଧି କରିବାକୁ ସ୍ୱରାଷ୍ଟ୍ର ମନ୍ତ୍ରୀ ନିର୍ଦ୍ଦେଶ ଦେଇଥିଲେ । ଜମ୍ମୁ-କାଶ୍ମୀର ପୁଲିସର ଦୁଇଟି ନୂଆ ସୀମାବର୍ତ୍ତୀ ବାଟାଲିଅନ ପ୍ରତିଷ୍ଠା କରିବାକୁ ପଦକ୍ଷେପ ନେବାକୁ ସ୍ୱରାଷ୍ଟ୍ର ମନ୍ତ୍ରୀ ନିର୍ଦ୍ଦେଶ ଦେଇଥିଲେ । ୨୦୧୯ ମାର୍ଚ୍ଚ ସୁଦ୍ଧା ନିଯୁକ୍ତି ପ୍ରକ୍ରିୟା ଶେଷ କରିବାକୁ ସେ କହିଥିଲେ ।

ସମ୍ବନ୍ଧିତ ଖବର

Leave A Reply

Your email address will not be published.