ମସ୍କୋ: ଏସ-୪୦୦ ଏୟାର ଡିଫେନ୍ସ ସିଷ୍ଟମ ଖରିଦ କରିବା ପାଇଁ ଭାରତ ଓ ଋଷିଆ ମଧ୍ୟରେ ହେବାକୁ ଥିବା ଚୁକ୍ତି ଆଉ କିଛି ଦିନ ବିଳମ୍ବ ହେବାର ସମ୍ଭାବନ । ଦେଖାଦେଇଛି । ଏହି ଚୁକ୍ତି ଭାରତର ପ୍ରତିରକ୍ଷାମନ୍ତ୍ରୀ ନିର୍ମଳା ସୀତାରମଣଙ୍କ ଚଳିତ ଋଷିଆ ଗସ୍ତ କାଳରେ ସ୍ୱାକ୍ଷରିତ ହେବାର ଥିଲା । କିନ୍ତୁ ଦର ଛିଡି ନଥିବାରୁ ଏହି ଚୁକ୍ତି ଚୂଡାନ୍ତ ହୋଇପାରିନାହିଁ ।
Sambad is now on WhatsApp
Join and get latest news updates delivered to you via WhatsApp
ଋଷିଆର ସମ୍ବଦ ସରବରାହ ସଂସ୍ଥା ଇଟାରଟାସ ଅନୁସାରେ ଏହି ଚୁକ୍ତିର ଟେକନିକାଲ ପକ୍ଷ ଉପରେ ସହମତି ହୋଇସାରିଛି, କିନ୍ତୁ ମୂଲ୍ୟକୁ ନେଇ ସହମତି ହୋଇପାରୁନାହିଁ ।
ଏସ-୪୦୦ ଏୟାର ଡିଫେନ୍ସ ସିଷ୍ଟମ’ ଆସିବା ପରେ ଭାରତର ଶକ୍ତି ବୃଦ୍ଧି ହେବ । ଏହା ଶତ୍ରୁପକ୍ଷର ଜେଟ, ମିସାଇଲ ଓ ଡ୍ରୋନକୁ ମାରି ଖସାଇଦେବ । ପ୍ରାୟ ୨୫୦ ମାଇଲ ଦୂରରୁ ଆସୁଥିବା ଶତ୍ରୁପକ୍ଷର କ୍ଷେପଣାସ୍ତ୍ର, ଯୁଦ୍ଧ ବିମାନକୁ ଠାବ କରି ଧ୍ୱଂସ କରିଦେବ । କେବଳ ସେତିକି ନୁହେଁ ଏହା ଏକାଥରକେ ୬ଟି ଟାର୍ଗେଟକୁ ଧ୍ୱଂସ କରିପାରିବ । ଋଷିଆ ପୂର୍ବରୁ ଏହାକୁ ଚୀନ ଓ ତୁର୍କୀକୁ ବିକି ସାରିଛି ।