ନୂଆଦିଲ୍ଲୀ : ଗତ ୨୦୧୬ରେ ବର୍ଷ ଭାରତକୁ ସି ଗାର୍ଡିଆନ ଲଢୁଆ ଡ୍ରୋନ ପ୍ରଦାନ କରିବାକୁ ଆମେରିକା ପ୍ରସ୍ତାବ ଦେଇଥିଲା । ଭାରତ ମଧ୍ୟ ପ୍ରାୟ ୨ ବିଲିୟନ ଡଲାର ବିନିମୟରେ ୨୨ଟି ଡ୍ରୋନ କିଣିବାକୁ ରାଜି ହୋଇଥିଲା । କିନ୍ତୁ ନିକଟରେ ମିଳିଥିବା ସୂଚନା ଅନୁସାରେ ଭାରତ ୨୨ଟି ନୁହେଁ ୧୨ ଟି ସି ଗାର୍ଡିଆନ ଡ୍ରୋନ କିଣିବାକୁ ଯୋଜନା କରୁଛି । ଏହା ସହିତ ଏମକ୍ୟୁ-୯ ରିପର ଡ୍ରୋନ ମଧ୍ୟକିଣିବାକୁ ମଧ୍ୟ ଯୋଜନା କରୁଛି । ସି ଗାର୍ଡିଆନ ହେଉଛି ଆମେରିକାର ଲଢୁଆ ପ୍ରିଡେଟର ଡ୍ରୋନର ନାଭାଲ ଭର୍ସନ । ଏଥିରେ ଅତି ଉଚ୍ଚରୁ ପ୍ରହରା ଦେଇପାରିବ ଓ ତାସହିତ ଏଥିରେ ହେଲଫାୟାର କ୍ଷେପଣାସ୍ତ୍ର ଓ ଲେଜର ବମ ଖଞ୍ଜି ହେବ।
Sambad is now on WhatsApp
Join and get latest news updates delivered to you via WhatsApp
ଗତ ଏପ୍ରିଲ ମାସରେ ଆମେରିକା ନିଜର ସାମରିକ ରପ୍ତାନି ନୀତିରେ ସଂଶୋଧନ କରି ଡ୍ରୋନ ରପ୍ତାନି ପାଇଁ ପଥ ପରିଷ୍କାର କରିଥିଲା । ଯଦି ଭାରତ ଏହି ଡ୍ରୋନ ପାଇବାରେ ସକ୍ଷମ ହୁଏ, ଏହା ପାଇବାରେ ବିଶ୍ୱର ପ୍ରଥମ ଅଣ-ନ୍ୟାଟୋ ଦେଶ ହେବ । ଏହି ଡ୍ରୋନ ପାଇଲେ ଭାରତର ଶକ୍ତି ବହୁଗୁଣିତ ହୋଇଯିବ । ଏପରିକି ସର୍ଜିକାଲ ଷ୍ଟ୍ରାଇକ କରିବାକୁ ଆଉ ପାକିସ୍ତାନ ସୀମା ଭିତରକୁ ଯିବାକୁ ପଡିବ ନାହିଁ । ଡ୍ରୋନ ପଠାଇ ଏହି କାମ କରିହେବ ।