ଭାରତୀୟ କମ୍ପାନି ଆମେରିକା ସେନାକୁ ଜୋତା ଯୋଗାଉଛନ୍ତି, କିନ୍ତୁ ଆମ ସେନା ପୁରୁଣାକାଳିଆ ଜୋତା ବ୍ୟବହାର କରୁଛି
ନୂଆଦିଲ୍ଲୀ: ଭାରତୀୟ କମ୍ପାନିମାନେ ବିଶ୍ୱର ଅନେକ ଦେଶକୁ ବୁଟ୍ ରପ୍ତାନି କରୁଛନ୍ତି । ଏପରିକି ଆମେରିକା ସେନାକୁ ମଧ୍ୟ କେତେକ ଭାରତୀୟ କମ୍ପାନି ଅତ୍ୟାଧୁନିକ ମିଲିଟାରୀ ବୁଟ୍ ଯୋଗାଉଛନ୍ତି । କିନ୍ତୁ ଦୁର୍ଭାଗ୍ୟର ବିଷୟ ହେଉଛି ଆମ ଭାରତୀୟ ସେନା ୧୩୦ ବର୍ଷ ତଳେ ବ୍ରିଟିଶ ଅମଳରେ ଡିଜାଇନ ହୋଇଥିବା ଜୋତା ବ୍ୟବହାର କରୁଛି । ସେଗୁଡ଼ିକୁ ପ୍ରତିରକ୍ଷା ମନ୍ତ୍ରାଳୟ ଅଧିନସ୍ଥ କମ୍ପାନି ଅର୍ଡିନାନ୍ସ ଫାକ୍ଟରୀ ବୋର୍ଡ ନିର୍ମାଣ କରିଆସୁଛି । ପୁରୁଣାକାଳିଆ ହୋଇଥିବାରୁ ଏହି ଜୋତାଗୁଡ଼ିକ ସବୁ ପରିସ୍ଥିତିରେ ପିନ୍ଧିବା ପାଇଁ ଉପଯୁକ୍ତ ନୁହେଁ ବୋଲି ପ୍ରତିରକ୍ଷା ବିଶେଷଜ୍ଞମାନେ କହିଛନ୍ତି । କେବଳ ସିଆଚେନକୁ ଛାଡିଦେଲେ ଜଳବାୟୁ ଯେ କୌଣସି ହେଉନା କାହିଁକି ଭାରତୀୟ ସେନା ପାଇଁ ଗୋଟିଏ ପ୍ରକାରର ଜୋତା ଦିଆଯାଇଥାଏ । କିନ୍ତୁ ଆଧୁନିକ ମିଲିଟାରୀମାନେ ପରିସ୍ଥିତିକୁ ଦେଖିକରି ମିଲିଟାରୀ ବୁଟ ପିନ୍ଧିଥାନ୍ତି । କିଛି ଭାରତୀୟ କମ୍ପାନି ଅଛନ୍ତି ସେମାନେ ଆମେରିକୀୟ ସେନାକୁ ମିଲିଟାରୀ ବୁଟ ଯୋଗାଉଛନ୍ତି । କିନ୍ତୁ ଆମ ଦେଶର ସେନା ସେହି ପୁରୁଣା କାଳିଆ ସରକାରୀ ଜୋତା ବ୍ୟବହାର କରିଚାଲିଛି ।
Sambad is now on WhatsApp
Join and get latest news updates delivered to you via WhatsApp
ଅବଶ୍ୟ ଗତ ବର୍ଷ ଭାରତ ସରକାର ନିୟମରେ କେତେକ ପରିବର୍ତ୍ତନ କରି ସେନାର କେତେକ ସାମଗ୍ରୀ ଘରୋଇ କମ୍ପାନିମାନଙ୍କଠାରୁ କିଣିବାକୁ ପଥ ପରିଷ୍କାର କରିଥିଲେ । କିନ୍ତୁ ଏହି ନୀତି ଲାଗୁ ହେବାରେ ବିଳମ୍ବ ହେଉଛି ।