ରେଳଗାଡ଼ିରୁ ଚୋରି : ଗନ୍ତବ୍ୟ ସ୍ଥଳରେ ପହଞ୍ଚିବାର ୩୦ମିନିଟ୍ ପୂର୍ବରୁ ଯାତ୍ରୀଙ୍କଠାରୁ ଫେରାଇ ନିଆଯିବ କମ୍ବଳ ଏବଂ ଚାଦର
ନୂଆଦିଲ୍ଲୀ : ଅନେକ ଦିନରୁ ଟ୍ରେନ୍ରେ ଯାତ୍ରୀମାନଙ୍କୁ ଦିଆଯାଉଥିବା ବେଡ଼୍ସିଟ୍ ଏବଂ କମ୍ବଳ ଚୋରି ହେଉଥିବାରୁ ଏହାକୁ ରୋକିବାକୁ ନୂଆ ନିୟମ ଆଣିଛି ଭାରତୀୟ ରେଳ । ଏବେ ଗନ୍ତବ୍ୟସ୍ଥଳରେ ପହଞ୍ଚିବା ପରେ ନୁହେଁ ପହଞ୍ଚିବାର ୩୦ମିନିଟ୍ ପୂର୍ବରୁ ଯାତ୍ରୀମାନଙ୍କଠାରୁ ଦିଆଯାଇଥିବା ବେଡ଼୍ସିଟ୍ ଏବଂ କମ୍ବଳ ଫେରାଇ ନିଆଯିବ । ଲୋକସଭାରେ ଏକ ପ୍ରଶ୍ନର ଉତ୍ତର ରଖି ଏହି ନିଷ୍ପତ୍ତି ବିଷୟରେ ଜଣାଇଛନ୍ତି ରେଳ ରାଜ୍ୟ ମନ୍ତ୍ରୀ ରାଜେନ୍ ଗୋହୈନ୍ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, କିଛି ବର୍ଷ ହେଲାଣି ଏସି କୋଚ୍ରେ ଯାତ୍ରୀମାନଙ୍କୁ ଦିଆଯାଉଥିବା କମ୍ବଳ,ଟାଓ୍ଵଲ,ବେଡ୍ସିଟ୍,ଫ୍ୟାନ୍,ଲାଇଟ୍ ଇତ୍ୟାଦି ଚୋରି ହୋଇ ଯାଉଥିବାର ଅଭିଯୋଗ ହୋଇଆସୁଛି । ବାରମ୍ବାର ଏହି ଅଭିଯୋଗ ହେବା ପରେ ଗନ୍ତବ୍ୟ ସ୍ଥଳରେ ଟ୍ରେନ୍ଟି ପହଞ୍ଚିବାର ୩୦ମିନିଟ୍ ପୂର୍ବରୁ ଯାତ୍ରୀମାନଙ୍କଠାରୁ କମ୍ବଳ,ଟାଓ୍ଵଲ,ବେଡ୍ସିଟ୍ ଇତ୍ୟାଦି ଫେରାଇ ଆଣିବାକୁ କୋଚ୍ ଆଟେଣ୍ଡାଣ୍ଟକୁ ଆଦେଶ ଦିଆ ଯାଇଥିବା କହିଛନ୍ତି ରେଳ ରାଜ୍ୟ ମନ୍ତ୍ରୀ ରାଜେନ୍ ଗୋହୈନ୍ । ଗତ ୫ବର୍ଷ ମଧ୍ୟରେ ୭ଜଣ ଯାତ୍ରୀ ଏବଂ ୩ଜଣ ରେଳ ଅଧିକାରୀଙ୍କୁ ଟ୍ରେନ୍ରୁ କମ୍ବଳ,ଟାଓ୍ଵଲ,ବେଡ୍ସିଟ୍ ଇତ୍ୟାଦି ଚୋରି କରିବା ଅଭିଯୋଗରେ ଗିରଫ କରାଯାଇଥିବା ରେଳ ମନ୍ତ୍ରାଳୟ ତରଫରୁ କୁହାଯାଇଛି ।
ଅନ୍ୟପକ୍ଷରେ, ପଶ୍ଚିମ ରେଳ ପକ୍ଷରୁ ଦିଆଯାଇଥିବା ରିପୋର୍ଟ ଅନୁଯାୟୀ, ୨୦୧୭-୨୦୧୮ ମଧ୍ୟରେ ୧.୯୫ଲକ୍ଷ ଟାଓ୍ଵଲ,୮୧,୭୩୬ବେଡ୍ସିଟ୍, ୫,୦୩୮ ତକିଆ,୫୫,୫୭୩ ତକିଆ ଖୋଳ ଏବଂ ୭,୦୪୩ କମ୍ବଳ ଯାତ୍ରୀମାନେ ଚୋରୀ କରିଛନ୍ତିି ।