ନୂଆଦିଲ୍ଲୀ : ଶିଖମାନଙ୍କର ପ୍ରମୁଖ ପର୍ବ ବୈଶାଖୀ ଅବସରରେ ପାକିସ୍ତାନକୁ ତୀର୍ଥଯାତ୍ରା କରିବାକୁ ଯାଇଥିବା ପ୍ରାୟ ୧୭୦୦ ଭାରତୀୟ ଶିଖ ତୀର୍ଥଯାତ୍ରୀଙ୍କୁ ନେଇ ଚାଲିଥିବା ବିବାଦ ଥମିବାର ନାଁ ଧରୁ ନାହିଁ । ଏହି ତୀର୍ଥଯାତ୍ରୀମାନଙ୍କୁ ଭାରତୀୟ ଦୂତାବାସ କର୍ମଚାରୀଙ୍କୁ ଭେଟିବାକୁ ଦିଆଯାଉ ନଥିବା କିଛି ଦିନ ତଳେ ଭାରତ ଅଭିଯୋଗ କରିଥିଲା । ଏହାକୁ ନେଇ ନୂଆଦିଲ୍ଲୀେରେ ଥିବା ପାକ୍ ଉଚ୍ଚାୟୁକ୍ତଙ୍କୁ ଡକାଇ ଭାରତୀୟ ବୈଦେଶିକ ମନ୍ତ୍ରାଳୟ ପକ୍ଷରୁ ଡକାଇ ଅସନ୍ତୋଷ ପ୍ରକଟ କରାଯାଇଥିଲା । ଏବେ ଆଉ ଏକ ବିବାଦ ଦଖାଦେଇଛି । ତାହା ହେଉଛି ଏହି ତୀର୍ଥଯାତ୍ରୀ ଦଳରେ ଥିବା ଜଣେ ଭାରତୀୟ ମହିଳା କିରଣ ବାଲାଙ୍କୁ ଅପହରଣ କରି ଜବରଦସ୍ତ ଧର୍ମ ପରିବର୍ତ୍ତନ କରାଯାଇଥିବା ସଂଦେହ କରାଯାଉଛି । ଏହି ମହିଳା ଶୀରୋମଣି ଗୁରୁଦ୍ୱାରା ପ୍ରବନ୍ଧକ କମିଟିର ଦଳରେ ଯାଇଥିଲେ । କମିଟିର ସଦସ୍ୟମାନେ ଇତି ମଧ୍ୟରେ ଭାରତ ଫେରିଥିଲେ ମଧ୍ୟ ସେ ଫେରି ନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନର କେତେକ ସ୍ଥାନୀୟ ଖବର କାଗଜରେ ପ୍ରକାଶିତ ରିପୋର୍ଟ ଅନୁସାରେ ଉକ୍ତ ମହିଳା ଇସଲାମ ଧର୍ମ ଗ୍ରହଣ କରି ଲାହୋରର ମହମ୍ମଜ ଆଜମ ନାମକ ବ୍ୟକ୍ତିକୁ ବିବାଦ କରିଛି । ଅନ୍ୟପକ୍ଷରେ ପଂଜାବରେ ଥିବା ଉକ୍ତ ମହିଳାଙ୍କ ପିତା ତରସେମ ସିଂ କହିଛନ୍ତି ଯେ ସେ ଆଇଏସଆଇ ଦ୍ୱାରା ଅପହୃତ ହୋଇଛନ୍ତି ଓ ତାଙ୍କୁ ଜବରଦସ୍ତି ଇସଲାମ ଧର୍ମରେ ଦିକ୍ଷିତ କରାଯାଇଛି । ଧର୍ମ ପରିବର୍ତ୍ତନ ପରେ ତାଙ୍କ ନାଁ ଆମନା ବିବି ରଖାଯାଇଛି । ଉକ୍ତ ମହିଳାଙ୍କ ଭିସା ମିଆଦ ଏପ୍ରିଲ ୨୧ ତାରିଖ ଥିବା ବେଳେ ସେ ତାହାକୁ ବଢାଇବାକୁ ଅନୁରୋଧ କରିଛନ୍ତି ।