ଓ୍ଵାସିଂଟନ : ଉପସାଗରୀୟ ଅଞ୍ଚଳରେ ଇରାନକୁ ନେଇ ଦିନକୁ ଦିନ ଉତ୍ତେଜନା ବୃଦ୍ଧି ପାଉଛି । ଏ ଅଞ୍ଚଳରେ ନିଜର ସାମରିକ ଶକ୍ତି ବୃଦ୍ଧି କରିବାଲାଗି ଆମେରିକା ସୋମବାରଦିନ ନିଜର ଏକ ଯୁଦ୍ଧ ଜାହାଜ ପଠାଇଛି । ଏହାର ନାଁ ହେଉଛି ଏଚଏମଏସ କେଣ୍ଟ । ଏହି ଯୁଦ୍ଧ ଜାହାଜ ଉପସାଗରୀୟ ଅଂଚଳରେ ଥିବା ଆମେରିକା ଓ ତାହାର ମିତ୍ର ଦେଶମାନଙ୍କ ତୈଳବାହୀ ଜାହାଜ ଓ ଅନ୍ୟ ସମ୍ପତ୍ତିର ସୁରକ୍ଷା କରିବ ।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଇରାନ ଆଜି କହିଛି ଯେ ବ୍ରିଟେନ ପକ୍ଷରୁ ଗତ ଜୁଲାଇ ୪ରୁ ଅଟକ ରଖାଯାଇଥିବା ତାହାର ତୈଳବାହୀ ଜାହାଜ ଗ୍ରେସ-୧ ସୁପରଟ୍ୟାଙ୍କରକୁ ଛାଡିବାକୁ ବ୍ରିଟେନ ରାଜି ହୋଇଛି । ତେବେ ବ୍ରିଟେନ ପକ୍ଷରୁ ଏ ନେଇ କୌଣସି ସୂଚନା ଦିଆଯାଇନାହିଁ । ଜୁଲାଇ ୪ ରେ ବ୍ରିଟେନ ଇରାନୀ ଜାହାଜକୁ ଅଟକ ରଖିବାର ଦୁଇ ସପ୍ତାହ ପରେ ଇରାନ ମଧ୍ୟ ବ୍ରିଟିଶ ପତାକା ଲାଗିଥିବା ଏକ ତୈଳବାହୀ ଜାହାଜ ଷ୍ଟେନା ବଲକ କୁ ଅଟକ ରଖିଥିଲା । ଏବେ ବି ଏହି ବିବାଦର ସମାଧାନ ହୋଇପାରିନାହିଁ । ତେବେ ପରସ୍ପରର ଜାହାଜ ଛାଡିବାକୁ ବ୍ରିଟେନ ଓ ଇରାନ ମଧ୍ୟରେ ବୁଝାମଣା ହୋଇଥିବା ସୂଚନା ମିଳିଛି