ସେନା ପାଇଁ ଅଭିନବ ଲୁହାର ସୁଟ ନିର୍ମାଣ କଲେ ଯୁବକ, ଆତଙ୍କୀଙ୍କ ଉପରେ ରିମୋଟରେ ଚଳାଇହେବ ଗୁଳି
ବାରଣାସୀ: ସେନା ପାଇଁ ଆଇରନ ସୁଟ । ବାରଣାସୀର ଯୁବକ ସେନା ପାଇଁ ଏପରି ଏକ ପୋଷାକ ତିଆରି କରୁଛନ୍ତି । ବାରଣାସୀର ଯୁବକ ଅଶୋକ ଚୌରାସିଆ ତିଆରି କରିଥିବା ଏମିତି ଏକ ପୋଷାକ ଏବେ ଚର୍ଚ୍ଚାକୁ ଆସିଛି । ଏକ ଘରୋଇ ସଂସ୍ଥାରେ କାମ କରୁଥିବା ଅଶୋକଙ୍କ ସୁଟ ଏବେ ଯୁଦ୍ଧବେଳେ ଯବାନଙ୍କୁ ସୁରକ୍ଷା ଦେଇପାରିବ । ଏହି ପୋଷାକରେ ମୋଟର ଲାଗିବ ସହ ମୋବାଇଲ ସହ ସଂଯୁକ୍ତ ଅଛି । ଫଳରେ ଏହାକୁ ରିମୋଟରେ ଚଳାଇ ହେବ ।
Sambad is now on WhatsApp
Join and get latest news updates delivered to you via WhatsApp
ଏମିତିକି ଏଥିରେ ଥିବା ସେନ୍ସର ପଛରୁ ଆକ୍ରମଣ ଉଦ୍ୟମ କରୁଥିବା ଶତୃ ବିଷୟରେ ସୂଚନା ଦେଇପାରିବ ବୋଲି ସେ କହିଛନ୍ତି । ବଡ କଥା ଯେ ଏହି ସୁଟ କେବଳ ଆତଙ୍କବାଦୀଙ୍କ ଗୁଳିରୁ ବଂଚାଇବ ନାହିଁ ବରଂ ଏଥିରେ ଲାଗିଥିବା ସ୍ୱୟଂଚାଳିତ ବନ୍ଧୁକରୁ ଆତଙ୍କୀଙ୍କ ଉପରେ ଗୁଳି ମଧ୍ୟ ଚଳାଇହେବ |
ତେବେ ଅଶୋକ ଏକ ବେସରକାରୀ ସଂସ୍ଥାରେ ପାର୍ଟ ଟାଇମ ଚାକିରୀ କରୁଥିବାରୁ ପ୍ରାୟୋଗିକ ବୁଲେଟ କିଣିବାକୁ ତାଙ୍କ ପାଖରେ ପର୍ଯ୍ୟାପ୍ତ ଅର୍ଥ ନାହିଁ | ଏହାକୁ ଅଧିକ ବିକଶିତ କରିବାକୁ ସେ ସରକାରୀ ପ୍ରୋତ୍ସାହନ ପାଇଁ ଅନୁରୋଧ କରିଛନ୍ତି । ଏଭଳି ଲୁହାର ସୁଟ ନିର୍ମାଣ କରିବା ପରିକଳ୍ପନା ଭାରତ ଓ ଚୀନ ମଧ୍ୟରେ ଚାଲିଥିବା ଡୋକଲାମ ବିବାଦ ସମୟରେ ଆସିଥିଲା ବୋଲି ଅଶୋକ କହିଛନ୍ତି |