ବିଶ୍ୱକପ ଫୁଟବଲ ମ୍ୟାଚ୍ ଚାଲିଥିବାବେଳେ ଷ୍ଟାଡିୟମକୁ ଉଡେଇଦେବୁ: ଆଇଏସ୍ ଜାରି କଲା ଧମକପୂର୍ଣ୍ଣ ଭିଡିଓ

1 463

ମସ୍କୋ :  ଋଷିଆରେ ଚାଲିଥିବା ବିଶ୍ୱକପ ଫୁଟବଲ ଉପରେ ଆତଙ୍କବାଦର ବିପଦ ଦେଖାଦେଇଛି । ଏହାକୁ ଦୃଷ୍ଟିରେ ରଖି ଆମେରିକା ନିଜର ନାଗରିକମାନଙ୍କୁ ସତର୍କ କରାଇଦେଇଛି । ବିଶ୍ୱର କୁଖ୍ୟାତ ଆତଙ୍କବାଦୀ ସଂଗଠନ ଆଇସିସ୍‌ ପକ୍ଷରୁ ଏ ନେଇ ଏକ ଭିଡିଓ ଜାରି କରି  ଖେଳ ଚାଲଥିବା ବେଳେ ଉଡାଇଦେବାକୁ ଧମକ ଦିଆଯାଇଛି । ଏହି ଭିଡିଓରେ ଷ୍ଟାଡିୟମ ଉପର ଏକ ଡ୍ରୋନ ଉଡୁଥିବା ଦେଖାଯାଉଛି, ଯେଉଁଥିରେ ଆଇସିସ ଲେଖାଯାଇଛି । ଏହି ଡ୍ରୋନରୁ ବୋମା ବର୍ଷା ହୋଇ ଷ୍ଟାଡିୟମକୁ ଧ୍ୱଂସ କରିଦେଉଛି । ଏହା ପରେ ଆମେରିକା ସତର୍କ ହୋଇଯାଇଛି ଓ ନିଜ ନାଗରିକ ମାନଙ୍କୁ  ସତର୍କ ରହିବାକୁ କହିଛି । ଅତି ଆବଶ୍ୟକ ନ ପଡିଲେ ଋଷିଆ ନଯିବାକୁ କହିଛି । ଖେଳ ଦେଖିବାକୁ ଯାଇଥିଲେ ନିଜ ଆଖପାଖ ଉପରେ ସତର୍କ ଦୃଷ୍ଟି ରଖିବାକୁ ପରାମର୍ଶ ଦେଇଛି । ଅନ୍ୟପକ୍ଷରେ ଅନ୍ୟ ଜନବହୁଳ ସ୍ଥାନ ଯଥା ବସଷ୍ଟାଣ୍ଡ, ପର୍ଯ୍ୟଟନ କେନ୍ଦ୍ର, ସପିଂ ସେଣ୍ଟର ଆଦିରେ କମ ସମୟ ରହିବାକୁ କୁହାଯାଇଛି । ସେହିପରି ନିଜର ଇଲେକ୍ଟ୍ରୋନିକ ଡିଭାଇସ ଯଥା ସ୍ମାର୍ଟଫୋନ, ଲାପଟପ ଆଦିକୁ ସୁରକ୍ଷିତ ରଖିବାକୁ କୁହାଯାଇଛି । ଅନ୍ୟପକ୍ଷରେ ଚେଚେନ୍ୟାକୁ ନ ଯିବାକୁ ସତର୍କ କରାଇଦିଆଯାଇଛି ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. thumpsup says

    Respected Shri.Niranjan Patnaik Sir,Respected Shri.Soumya Ranjan Patnaik Sir,Yesterday American Drone killed a Pakistan Taliban Militant in Afghanistan.In UAE and in Dubai the Food Crisis has begun(American Reports) and hence the Militant groups are running to Asian Countries for Food and Shelter keeping the Oil business.In many Metropolitan Cities in India the illegal Investments(through Proxy) are running and hence today many such shops were closed.