ନୂଆଦିଲ୍ଲୀ: ନଭେମ୍ବର ୩୦ ତାରିଖ ଦିନ ଇଉରୋପିଆନ୍ ସ୍ପେସ୍ପୋର୍ଟ ଫ୍ରେଞ୍ଚ୍ ଗିଅନାରୁ ଭାରତୀୟ ମହାକାଶ ଗବେଷଣା ସଂସ୍ଥାନ ତା’ର ୫. ୭ ଟନ୍ ଓଜନବିଶିଷ୍ଟ ସବୁଠୁ ଭାରୀ କୃତ୍ରିମ ଉପଗ୍ରହ ଜିସାଟ୍-୧୧କୁ ଉତ୍କ୍ଷେପଣ କରିବ।
Sambad is now on WhatsApp
Join and get latest news updates delivered to you via WhatsApp
ଏହି କମ୍ୟୁନିକେସନ୍ ସାଟେଲାଇଟ୍ ଦେଶରେ ଇଣ୍ଟର୍ନେଟ୍ର ବେଗ ବୃଦ୍ଧି କରାଇବାରେ ସହାୟକ ହେବ। ସମ୍ଭାବ୍ୟ ତ୍ରୁଟିବିଚ୍ୟୁତି ଯାଞ୍ଚ କରାଯିବାକୁ ଏପ୍ରିଲ୍ ମାସରେ ଏହାକୁ ଫ୍ରେଞ୍ଚ୍ ଗିଅନାରୁ ଫେରସ୍ତ ଅଣାଯାଇଥିଲା।
ବରିଷ୍ଠ ବୈଜ୍ଞାନିକ ଓ ବିଶେଷଜ୍ଞମାନଙ୍କ ପରାମର୍ଶ କ୍ରମେ ଇଲେକ୍ଟ୍ରିକାଲ୍ ସର୍କିଟ୍ ସମେତ ଏହାର ସମସ୍ତ ଯନ୍ତ୍ରାଂଶକୁ ତନ୍ନ ତନ୍ନ କରି ତନଖି କରାଯାଇଥିଲା। କେତେଗୁଡ଼ିଏ ବୁଝାମଣା ପରେ ଶେଷକୁ ଏରିଆନ୍ସ୍ପେସ୍ ଏ ବର୍ଷ ଜିସାଟ୍-୧୧ ଉତ୍କ୍ଷେପଣ କରିବାକୁ ରାଜି ହୋଇ ନଭେମ୍ବର ୩୦କୁ ଦିନ ଧାର୍ଯ୍ୟ କରିଛି ବୋଲି ଇସ୍ରୋର ଅଧ୍ୟକ୍ଷ କେ ଶିବନ କହିଛନ୍ତି।
ଏହି ଓଜନିଆର ‘କୁ-ବ୍ୟାଣ୍ଡ୍ ଓ ‘କା-ବ୍ୟାଣ୍ଡ୍’ ଫ୍ରିକ୍ୱେନ୍ସିରେ ୪୦ଟି ଟ୍ରାନ୍ସ୍ପୋଣ୍ଡର୍ ବହନ କରୁଛି। ସେକେଣ୍ଡ୍ ପ୍ରତି ଏହାର ଡାଟା ଟ୍ରାନ୍ସ୍ଫର୍ କ୍ଷମତା ହେଉଛି ୧୪ ଗିଗା ବାଇଟ୍। ଏହି ବିଶାଳ କୃତ୍ରିମ ଉପଗ୍ରହର ପ୍ରତି ସୋଲାର୍ ପାନେଲ୍ ଚାରି ମିଟର୍ ଲମ୍ବବିଶିଷ୍ଟ।