ଲଗାଣ ବର୍ଷାରେ ଗୌହାଟି ବିମାନ ବନ୍ଦର ବେହାଲ୍; ଛାତ ଫାଟି ଗଳିଲା ପାଣି, ଦେଖନ୍ତୁ ଭିଡିିଓ
ନୂଆଦିଲ୍ଲୀ : ଲଗାଣ ବର୍ଷା ହେତୁ ଗୌହାଟି ବିମାନବନ୍ଦରର ଛାତରୁ ପାଣି ଗଳୁଥିବାର ଦେଖିବାକୁ ମିଳିଛି । ଛାତ ତଳେ ବସିଥିଲେ ବି ବର୍ଷାରେ ଓଦା ହେବା ଭଳି ଅନୁଭବ କରିଥିଲେ ଯାତ୍ରୀ । ପ୍ରତୀକ୍ଷା ଲାଉଞ୍ଜରେ ପାଣି ଭରି ଯିବାରୁ ଯାତ୍ରୀମାନେ ନାହିଁ ନ ଥିବା ଅସୁବିଧାର ସାମ୍ନା କରିଥିଲେ । ଯଦିଓ ଏହା ଦ୍ୱାରା ବିମାନ ଚଳାଚଳ ବାଧାପ୍ରାପ୍ତ ହୋଇ ନ ଥିଲା, କିନ୍ତୁ ସୋସିଆଲ ମିଡିିଆରେ ଏହାର ଭିଡ଼ିଓ ଭାଇରାଲ ହେବା ପରେ ବିମାନବନ୍ଦରର ଅଧିକାରୀ ତୁରନ୍ତ ବିମାନବନ୍ଦରର ଛାତର ମରାମତି କରାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗୌହାଟି ବିମାନବନ୍ଦରରେ ରାତି ୮.୪୫ରୁ ରାତି ୧୦ଟା ପର୍ଯ୍ୟନ୍ତ ବର୍ଷା ପାଣି ଛାତ ଦେଇ ତଳକୁ ବୋହିବାରେ ଲାଗିଥିଲା । ଭିଡ଼ିଓ ଦେଖିବା ପରେ ବିମାନବନ୍ଦର ଭିତରେ ବର୍ଷା ହେଉଥିବା ଭଳି ଜଣା ପଡ଼ୁଥିଲା । ମୁଖ୍ୟ କଥା ହେଲା, କିଛି ଦିନ ତଳେ ଏହି ଛାତର ମରାମତି କାମ କରାଯାଇଥିଲା । କିନ୍ତୁ ମରାମତି ଠିକ୍ ଭାବରେ ହୋଇ ନ ଥିବାରୁ ଏହି ସମସ୍ୟା ଉପୁଜୁଥିବା କହିଛନ୍ତି ମ୍ୟାନେଜର ପିକେ ତୈଲଙ୍ଗ । ଏ ପର୍ଯ୍ୟନ୍ତ ପ୍ରକୃତ କାରଣ ଜଣା ପଡ଼ି ନ ଥିବା ବେଳେ ଯାତ୍ରୀମାନଙ୍କୁ ଏ ନେଇ ଅନେକ ଅସୁବିଧାର ସାମ୍ନା କରିବାକୁ ପଡ଼ିଥିବା ଜଣାପଡ଼ିଛି ।