ତାତିଗଲେ ଆନ୍ଧ୍ର ମୁଖ୍ୟମନ୍ତ୍ରୀ ଜଗନ ରେଡ୍ଡୀ, ବିଧାନସଭାରେ ମୁହାଁମୁହିଁ ହେଲେ ଜଗନ-ଚନ୍ଦ୍ରାବାବୁ

ଅମରାବତୀ: ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ ଓ ପୂର୍ବତନ ମୁଖ୍ୟମନ୍ତ୍ରୀ ଏନ ଚନ୍ଦ୍ରାବାବୁ ନାଇଡୁ ଗୁରୁବାର ଦିନ ବିଧାନସଭାରେ ମୁହାଁମୁହିଁ ହୋଇଯାଇଥିଲେ | କିଛି ପ୍ରସଙ୍ଗକୁ ନେଇ ଦୁହିଁଙ୍କ ମଧ୍ୟରେ ଯୁକ୍ତିତର୍କ ହୋଇଯାଇଥିଲା | ସ୍ଥିତି ଏମିତି ହୋଇଥିଲା ଯେ ଜଗନ ପ୍ରବଳ ରାଗିଯାଇଥିଲେ | ମିଳିଥିବା ସୂଚନା ମୁତାବକ କୃଷକଙ୍କ ଋଣ ଛାଡକୁ ନେଇ ଜଗନ ଏକ ତଥ୍ୟ ଉପସ୍ଥାପନା କରିଥିଲେ |

ଏହି ତଥ୍ୟ ମିଥ୍ୟା ଦର୍ଶାଇ ଚନ୍ଦ୍ରାବାବୁଙ୍କ ତେଲୁଗୁଦେଶମ ପାର୍ଟି ପ୍ରିଭିଲେଜ ମୋସନ ଦେଇଥିଲା | ଜଗନ ଯେତେବେଳେ ଏହି ନୋଟିସର ଜବାବ ଦେବାକୁ ଉଦ୍ୟତ ହୋଇଥିଲେ | ଟିଡ଼ିପି ବିଧାୟକମାନେ ଏହି ଭାଷଣ ମଝିରେ ପାଟିତୁଣ୍ଡ କରିଥିଲେ | ଚନ୍ଦ୍ରବାବୁ ଜଗନଙ୍କୁ ପ୍ରଶ୍ନ କରିଥିଲେ ଯେଉଁ ତଥ୍ୟ ସେ ଉପସ୍ଥାପନ କରୁଛନ୍ତି ସେ ତଥ୍ୟ ଯଦି ମିଛ ପ୍ରମାଣିତ ହୁଏ ତେବେ ଜଗନ ଇସ୍ତଫା ଦେବେ କି ?

#WATCH Ruckus ensued at Andhra assembly. TDP gave Privilege motion alleging CM has given wrong info about interest free loans to farmers.Chandrababu Naidu challenged CM JM Reddy asking if he’ll resign.Later TDP MLAs started interrupting CM’s speech, when he was replying to notice pic.twitter.com/j0e8r3SttV

— ANI (@ANI) July 12, 2019

୨୦୧୪ ମସିହାରେ ନିର୍ବାଚନ ସମୟରେ ଚନ୍ଦ୍ରାବାବୁ ପ୍ରତିଶୃତି ଦେଇଥିଲେ ଯେ ଚାଷୀଙ୍କୁ ମଞ୍ଜି ବାବଦକୁ ୩୮୪ କୋଟି ଦିଆଯିବ | ଜଗନ ଆରୋପ ଲଗାଇଛନ୍ତି ଯେ ଚନ୍ଦ୍ରାବାବୁ ଏହି ଅର୍ଥ ନ ଦେଇ ଚାଷୀଙ୍କୁ ଧୋକା ଦେଇଛନ୍ତି | ଏହି ତଥ୍ୟକୁ କିନ୍ତୁ ବିରୋଧ କରିଥିଲେ ଚନ୍ଦ୍ରାବାବୁ | ଯାହାକୁ ନେଇ ଟିଡ଼ିପି ଓ ଜଗନଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା |