କର୍ଣ୍ଣାଟକ ଉପ-ନିର୍ବାଚନରେ ବିପୁଳ ବିଜୟ ପରେ କଂଗ୍ରେସ କହିଲା, ଏହା ହେଉଛି ୨୦୧୯ ନିର୍ବାଚନର ‘ଟିଜର’; ବିଜେପି ମୁଖ୍ୟ ୟେଦୁରାପ୍ପା ମୁହଁ ଲୁଚାଇବା ସହ ନିଜକୁ କଲେ ଗୃହବନ୍ଦୀ
ବେଙ୍ଗାଲୁରୁ: କର୍ଣ୍ଣାଟକ ଉପ-ନିର୍ବାଚନରେ କଂଗ୍ରେସ- ଜେଡିଏସ୍ ମେଣ୍ଟକୁ ବିପୁଳ ସଫଳତା ପରେ ଦିନକ ପୂର୍ବରୁ ଦୀପାବଳି ଉତ୍ସବ ପାଳନ କରିବା ଆରମ୍ଭ କରି ଦେଇଛନ୍ତି କଂଗ୍ରେସ ନେତା ଓ କର୍ମୀ। କର୍ଣ୍ଣଟକ ଉପ-ନିର୍ବାଚନରେ କଂଗ୍ରେସ- ଜେଡିଏସ୍ ମେଣ୍ଟକୁ ଯେଉଁ ବିପୁଳ ସଫଳତା ମିଳିଛି, ତାହା ଆଗାମୀ ୨୦୧୯ରେ ହେବାକୁ ଥିବା ସାଧାରଣ ନିର୍ବାଚନର ‘ଟିଜର୍’ ବୋଲି କଂଗ୍ରେସ ଦଳ ପକ୍ଷରୁ କୁହାଯାଇଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, କର୍ଣ୍ଣାଟକର ୩ଟି ଲୋକସଭା ଓ ୨ଟି ବିଧାନସଭା ଆସନ ପାଇଁ ହୋଇଥିବା ଉପନିର୍ବାଚନରେ ୩ଟିରୁ ୨ଟି ଲୋକସଭା ଆସନ ଓ ୨ଟି ଯାକ ବିଧାନସଭା ଆସନରେ କଂଗ୍ରେସ- ଜେଡିଏସ୍ ପ୍ରାର୍ଥୀମାନେ ବିପୁଳ ବିଜୟ ହାସଲ କରିଥିବା ବେଳେ ବିଜେପିକୁ ମାତ୍ର ଗୋଟିଏ ଆସନରେ ସନ୍ତୁଷ୍ଟ ରହିବାକୁ ପଡ଼ିଛି। କର୍ଣ୍ଣାଟକ ଉପ-ନିର୍ବାଚନ ଫଳାଫଳ ବିଜେପିକୁ ଶକ୍ତ ଧକ୍କା ଦେଇଥିବା ବେଳେ ରାଜ୍ୟର ଶାସକ ଜେଡିଏସ- କଂଗ୍ରେସ ମେଣ୍ଟ ବିରାଟ ସଫଳତା ପରେ ଉଭୟ ଦଳର କର୍ମୀମାନେ ଦିନକ ପୂର୍ବରୁ ଦୀପାବଳି ଉତ୍ସବ ପାଳନ ଆରମ୍ଭ କରି ଦେଇଛନ୍ତି।
The sweeping victory of the Congress – JD(S) alliance in the #KarnatakaBypolls is just a teaser for what is in store for the BJP next year. Congratulations to all the winners.#KarnatakaRejectsBJP
— Congress (@INCIndia) November 6, 2018
ଅପରପକ୍ଷରେ କର୍ଣ୍ଣାଟକରେ ବିଜେପି ମୁଖ୍ୟ ବି ଏସ୍ ୟେଦୁରାପ୍ପା ଉପ-ନିର୍ବାଚନରେ ଦଳର ଏପ୍ରକାର ଶୋଚନୀୟ ପରାଜୟକୁ ବରଦାସ୍ତ କରିପାରି ନାହାନ୍ତି। ଉପ-ନିର୍ବାଚନ ଫଳାଫଳ ଘୋଷିତ ହେବା ପରେ ତାଙ୍କ ପ୍ରତିକ୍ରିୟା ଜାଣିବା ପାଇଁ ଗଣମାଧ୍ୟମ ପ୍ରତିନିଧିଙ୍କ ଠାରୁ ଆରମ୍ଭ କରି ଦଳୀୟ ନେତା ଓ କର୍ମୀମାନେ ତାଙ୍କର ଶିଭମୋଗା ସ୍ଥିତ ବାସଭବନ ସମ୍ମୁଖରେ ଭିଡ଼ ଲଗାଇଥିବା ବେଳେ ସେ କାହାରିକି ଦେଖା ନଦେଇ ନିଜକୁ ଘର ଭିତରେ ଗୃହବନ୍ଦୀ କରି ରଖିଛନ୍ତି।