ବାଙ୍ଗାଲୁରୁ : କର୍ଣ୍ଣାଟକ ରାଜନୀତିରେ ଘଡ଼ିି କେ ଘୋଡ଼ା ଛୁଟୁଛି । ଗତ ପ୍ରାୟ ଏକ ସପ୍ତାହ ଧରି ଆସ୍ଥାଭୋଟ ପାଇଁ ଅଡି ବସିଥିବା କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀ ନିଜ ପଦରୁ ଇସ୍ତଫା ଦେବାକୁ ସଂକେତ ଦେଇଛନ୍ତି । ସେ କହିଛନ୍ତି ଯେ ସେ ଆନନ୍ଦରେ ପଦ ଛାଡିବାକୁ ପସନ୍ଦ କରିବେ । ଏହା ସହିତ ସେ ବାଚସ୍ପତି ଓ କର୍ଣ୍ଣାଟକ ଲୋକମାନଙ୍କୁ କ୍ଷମାପ୍ରାର୍ଥନା କରିଛନ୍ତି । କିନ୍ତୁ ସେ ଏହା ମଧ୍ୟ କହିଛନ୍ତି ଯେ ସେ ପଳାତକ ଭଳି ହେବାକୁ ଚାହୁଁନାହାନ୍ତି । ଏହା ଫଳରେ ସେ ଆସ୍ଥା ଭୋଟର ସମ୍ମୁଖୀନ ହେବା ଲାଗି ମଧ୍ୟ ପ୍ରସ୍ତୁତ ଥିବା ସଂକେତ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହା ଫଳରେ କର୍ଣ୍ଣାଟକରେ ଗତ ପ୍ରାୟ ଏକ ମାସଧରି ଚାଲିଥିବା ରାଜନୈତିକ ନାଟକର ଯବନିକା ପଡିବା ସମ୍ଭାବନା ସୃଷ୍ଟି ହୋଇଛି । ଏହା ପୂର୍ବରୁ ବାଚସ୍ପତି କେ.ରମେଶ କୁମାର ସଂଧ୍ୟା ୬ଟା ସୁଦ୍ଧା ଆସ୍ଥାଭୋଟ ସାରିବାକୁ ନିର୍ଦ୍ଦେଶ ଦେଇଥିଲେ ।
ଅନ୍ୟପକ୍ଷରେ ବାଙ୍ଗାଲୁରୁରେ ଆସନ୍ତା ୨ ଦିନ ପାଇଁ ୧୪୪ ଧାରା ଲଗାଇଦିଆଯାଇଛି । ରାଜନୈତିକ ହିଂସା ଆଶଙ୍କାରେ ପୁଲିସ ଏହି ପଦକ୍ଷେପ ନେଇଛି । ଆଜି ଶତାଧିକ କଂଗ୍ରେସ ସମର୍ଥକ ବିଜେପି ବିଧାୟକ ଆର.ଅଶୋକଙ୍କ ଆପାର୍ଟମେଣ୍ଟ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ।