କର୍ଣ୍ଣାଟକ ଉପମୁଖ୍ୟମନ୍ତ୍ରୀଙ୍କ ଅଜବ ବୟାନ : ଭଲ ରାସ୍ତା ପାଇଁ ବଢ଼ୁଛି ଦୁର୍ଘଟଣା
ବେଙ୍ଗାଲୁରୁ : ସେପ୍ଟେମ୍ବର ୧ରୁ ନୂଆ ମୋଟରଯାନ ନିୟମ ଲାଗ ହେବା ପରଠାରୁ ଦେଶରେ ଏ ନେଇ ବିତର୍କ ଆରମ୍ଭ ହୋଇଛି । ଦେଶରେ ଅଧାରୁ ଅଧିକ ଲୋକ ଏହି ନିୟମକୁ ବିରୋଧ କରୁଥିବାର ଦେଖାଯାଇଛି । ଦୁର୍ଘଟଣା ହ୍ରାସ କରିବା ପାଇଁ ସରକାର ଏଭଳି ନିୟମ ଲାଗୁ କରିଥିବା କହି ସଫେଇ ଦେଉଥିବା ବେଳେ ରାସ୍ତାର ମରାମତି ପ୍ରଥମେ କର ବୋଲି କହିବା ଆରମ୍ଭ କରିଛନ୍ତି ଲୋକେ । ତେବେ ଏଭଳି ପରିସ୍ଥିତିରେ କର୍ଣ୍ଣାଟକର ଉପମୁଖ୍ୟମନ୍ତ୍ରୀ ଗୋବିନ୍ଦ କର୍ଜୋଲ ଯେଉଁ ବୟାନ ଦେଇଛନ୍ତି, ତାହାକୁ ନେଇ ବିବାଦ ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ନୂଆ ମୋଟରଯାନ ଆଇନ୍ ଉପରେ କହିବାକୁ ଯାଇ ଉପମୁଖ୍ୟମନ୍ତ୍ରୀ ଗୋବିନ୍ଦ କର୍ଜୋଲ କହିଥଲେ, ଖରାପ ରାସ୍ତା ପାଇଁ କେବେ ବି ଦୁର୍ଘଟଣା ଘଟେ ନାହିଁ । ଯେତେବେଳେ ରାସ୍ତା ସଂପୂର୍ଣ୍ଣ ଭଲ ଓ ସୁରକ୍ଷିତ ଥାଏ, ସେତେବେଳେ ହିଁ ଲୋକଙ୍କ ଗାଡ଼ିର ଗତି ବଢ଼ିଥାଏ । ଏହା ଦ୍ୱାରା ଲୋକେ ଦୁର୍ଘଟଣାର ଶିକାର ହୋଇଥାନ୍ତି । ବିଶେଷ କରି ଜାତୀୟ ରାଜପଥରେ ଅଧିକ ଦୁର୍ଘଟଣା ଘଟୁଥିବାର ଦେଖାଯାଏ ବୋଲି କହିଛନ୍ତି କର୍ଣ୍ଣାଟକ ଉପମୁଖ୍ୟମନ୍ତ୍ରୀ । ତାଙ୍କର ଏଭଳି ବୟାନ ପରେ ଲୋକେ ତାଙ୍କୁ ସୋସିଆଲ୍ ମିଡିଆରେ ଟ୍ରୋଲ କରିବା ଆରମ୍ଭ କରିଛନ୍ତି ।