ଗଛରେ ଚଢ଼ୁଥିବା ବାଇକ ନିର୍ମାଣ କଲେ ଚାଷୀ, ତୋଳିହେବ ଗୁଆ,ନଡ଼ିଆ
ମାଙ୍ଗଲୋର: କର୍ଣ୍ଣାଟକ ମାଙ୍ଗଲୋରର ଜଣେ କୃଷକ ଏକ ନୂଆ ଯନ୍ତ୍ରର ନିର୍ମାଣ କରିଛନ୍ତି | ଗୁଆ ଓ ନଡ଼ିଆ ଗଛରେ ଚଢିବା ପାଇଁ ସେ ଏହି ଯନ୍ତ୍ରର ନିର୍ମାଣ କରିଛନ୍ତି | ଏହି ମେସିନ ଜରିଆରେ ଖୁବ ସୁବିଧାରେ ଜଣେ ଚାହିଁଲେ ଗଛରେ ଚଢ଼ିପାରିବ ଓ ଓହ୍ଲାଇପାରିବ | ଏହି ମେସିନ ଦ୍ୱାରା ଗଛରେ କୀଟନାଶକ ପ୍ରୟୋଗ ମଧ୍ୟ କରିହେବ | ସେହିପରି ସହଜରେ ବିନା କୌଣସି ବ୍ୟକ୍ତିଙ୍କ ସାହାଯ୍ୟରେ ଜଣେ ଚାଷୀ ଚାହିଁଲେ ନଡ଼ିଆ ଓ ଗୁଆ ତୋଳିପାରିବ |
Sambad is now on WhatsApp
Join and get latest news updates delivered to you via WhatsApp
ମାଙ୍ଗଲୋରର ଏହି ଚାଷୀ ଗଛରେ ଯନ୍ତ୍ର ସାହାଯ୍ୟରେ ଚଢ଼ୁଥିବାର ଦୃଶ୍ୟ ଭାଇରଲ ହେବା ପରେ ଏହି ଯନ୍ତ୍ର ବାବଦରେ ଜଣାପଡିଛି | ଏହି ମେସିନର ଓଜନ ୨୮ କିଲୋ ହୋଇଥିବାବେଳେ ଏଥିରେ ଟୁ ଷ୍ଟ୍ରୋକ ଇଂଜିନ ଲାଗିଛି | ସେହିପରି ଏହି ମେସିନରେ ବ୍ରେକ ମଧ୍ୟ ଲାଗିଛି | ଯାହାଫଳରେ ଗଛର ଗଣ୍ଡି ମଧ୍ୟରେ ରୋକିହେବ | ଏହି ଯନ୍ତ୍ରର କ୍ଷମତା ୮୦ କିଲୋ ଯାଏଁ ରହିଛି | ଅର୍ଥାତ ୮୦ କିଲୋ ଯାଏଁ ଓଜନ ଥିବା ବ୍ୟକ୍ତି ସହଜରେ ଏହି ମେସିନ ଦ୍ୱାରା ଗଛରେ ଚଢିବା ସହ ଓହ୍ଲାଇପାରିବ |
#WATCH Mangaluru: Ganapathi Bhat,farmer from Sajipamooda village,has developed a machine that helps in climbing arecanut tree;says,’It’s simple innovation,climber(60-80kg) can climb upto 80 trees using litre of petrol on avg. Gave priority to safety while developing it.#Karnataka pic.twitter.com/nRcse46MDB
— ANI (@ANI) 17 June 2019
ବିଶେଷ କଥା ହେଉଛି ଯେ ମାତ୍ର ୩୦ ସେକେଣ୍ଡରେ ଜଣେ ଚାହିଁଲେ ଏହି ଯନ୍ତ୍ର ମାଧ୍ୟମରେ ଗଛରେ ଚଢ଼ିପାରିବ | ଜଣେ ବ୍ୟକ୍ତି ଗଛରେ ଚଢି କୀଟନାଶକ ପ୍ରୟୋଗ କରିବାକୁ ୨ ହଜାର ଟଙ୍କା ଖର୍ଚ୍ଚ କରିବାକୁ ପଡିଥାଏ | କିନ୍ତୁ ଏହି ମେସିନ ସାହାଯ୍ୟରେ ଜଣେ ଏକୁଟିଆ ବ୍ୟକ୍ତି ମଧ୍ୟ ଆରାମରେ ଗଛରେ ଚଢ଼ିପାରିବ |