ଦୁବାଇ ଛାଡି ଭାରତ ଫେରୁଥିବା ବେଳେ ହେଲେ ମାଲାମାଲ୍, ଜିତିଲେ ୧୩ କୋଟି ଟଙ୍କାର ଲଟେରି ।
ଆବୁଧାବି: ଜଣେ ଭାରତୀୟ ଦୁବାଇ ଛାଡି ଭାରତ ଫେରୁଥିବା ବେଲେ ୧୯ ଲକ୍ଷ ଡଲାରର ଲଟେରି ଜିତିଛନ୍ତି । ଏହାର ଭାରତୀୟ ମୂଲ୍ୟ ୧୩ କୋଟି ଟଙ୍କା ହେବ । ସେ ସବୁଦିନ ପାଇଁ ଦୁବାଇ ଛାଡି ଭାରତକୁ ଫେରୁଥିବା ବେଳେ ତାଙ୍କ ଭାଗ୍ୟ ଖୋଲି ଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ବ୍ୟକ୍ତି ଜଣଙ୍କ ଦୁବାଇରୁ ଭାରତ ଫେରିବାର କିଛି ସମୟ ପୂର୍ବରୁ ବିମାନ ବନ୍ଦରରୁ ଏକ ଲଟେରି ଟିକେଟ କିଣିଥିଲେ । ସେ ଦୁବାଇର ରାଜଧାନୀ ଅବୁଧାବିରେ ସିଭିଲ ଇଞ୍ଜିନିୟର ଭାବେ କାମ କରୁଥିଲେ । ୩୦ ବର୍ଷିିୟ ତୋଜୋ ମ୍ୟାଥ୍ୟୁ ବିମାନର ବସିବାର କିଛି ସମୟ ପୂର୍ବରୁ ଏକ ଲଟେରି ଟିକେଟ କିଣିଥିଲେ । କିନ୍ତୁ ସେ ଜାଣିନଥିଲେ ଯେ ଏହି ଲଟେରି ତାଙ୍କ ଭାଗ୍ୟ ବଦଳାଇ ଦେବ । ସେ କିଣି ଥିବା ଲଟେରିରୁ ସେ ୧୯ ଲକ୍ଷ ଡଲାର ଜିତିଥିଲେ । ମ୍ୟାଥ୍ୟୁ କେରଳର ବାସିନ୍ଦା। ସେ ବାକି ଜୀବନ ତାଙ୍କ ସ୍ତ୍ରୀଙ୍କ ସହ ବିତାଇବାକୁ ଚାହୁଁଥିଲେ ସେଥିପାଇଁ ସେ ଦୁବାଇ ଛାଡି ଭାରତକୁ ଫେରି ଆସୁଥିଲେ ।
ମ୍ୟାଥ୍ୟୁଙ୍କ କହିବା ଅନୁଯାଇ ତାଙ୍କୁ ଦିଲ୍ଲୀରେ ଏକ ଚାକିରି ମିଳିଯାଇଥିଲା। ସେ ୨୪ ଜୁନ୍ରେ ଭାରତ ଫେରିବା ପାଇଁ ଆବୁଧାବି ବିମାନବନ୍ଦରରୁ ବୋଡିଂ କରିବା ପୂର୍ବରୁ ଲଟେରି କିଣିଥିଲେ । ସେହି ସମୟରେ ଯେତେବେଲେ ସେ ଜାଣିବାକୁ ପାଇଲେ ଯେ ସେ ୧୯ ଲକ୍ଷ ଡଲାରର ଲଟେରି ଜିତିଯାଇଛନ୍ତି, ଏକଥାକୁ ସେ ବିଶ୍ୱାସ କରିପାରିନଥିଲେ । ଏହା ପୂର୍ବରୁ ଜଣେ ଭାରତୀୟ ଡ୍ରାଇଭର ମଧ୍ୟ ଏପ୍ରିଲ ମାସରେ ୧ କୋଟି ଟଙ୍କାର ଲଟେରି ଜିତିଥିଲେ ।