କେରଳରେ ନଡ଼ପୁରମ୍ରେ ପରସ୍ପରର ଶିଶୁକୁ ସ୍ତନ୍ୟପାନ କରାଉଥିଲେ ହିନ୍ଦୁ ଓ ମୁସ୍ଲିମ୍ ମହିଳା, ଏହା ପଛରେ ଥିଲା ଅଜବ କାରଣ
ନଡ଼ପୁରମ୍ : ବହୁ ବର୍ଷ ଧରି କେରଳର ନଡ଼ପୁରମ୍ରେ ସାଂପ୍ରଦାୟିକ ସଦ୍ଭାବନାର ଏକ ଭିନ୍ନ ଉଦାହରଣ ଦେଖିବାକୁ ମିଳୁଛି । ଏଠାରେ ଉଭୟ ହିନ୍ଦୁ ଓ ମୁସ୍ଲିମ୍ ଏକାଠି ରହୁଥିବା ବେଳେ ଦୁଇ ଧର୍ମର ମହିଳା ପରସ୍ପରର ଶିଶୁଙ୍କୁ ସ୍ତନ୍ୟପାନ କରାଇଥାଆନ୍ତି। ସ୍ତନ୍ୟପାନ ସମୟରେ ଏଠାରେ ଧର୍ମ ଦେଖାଯାଇ ନ ଥାଏ । ଜଣେ ହିନ୍ଦୁ ମହିଳା ମୁସ୍ଲିମ୍ ଶିଶୁକୁ ସ୍ତନ୍ୟପାନ କରାଉଥିବା ବେଳେ ଜଣେ ମୁସ୍ଲିମ୍ ମହିଳା ହିନ୍ଦୁ ଧର୍ମର ଶିଶୁକୁ ସ୍ତନ୍ୟପାନ କରାଇଥାନ୍ତି । ଏବେ ସେଠାରେ ଦୁଇ ଧର୍ମ ମଧ୍ୟରେ ଅସନ୍ତୋଷ ଦେଖାଯାଉଥିବା ଦେଖି ବିଗତ ବର୍ଷକୁ ମନେ ପକାଇଛନ୍ତି ଦିଲ୍ଲୀ ବିଶ୍ୱବିଦ୍ୟାଳୟର ସହକାରୀ ପ୍ରଫେସର ୟାସିର୍ ଅରାଫାତ୍ ।
Sambad is now on WhatsApp
Join and get latest news updates delivered to you via WhatsApp
ଫେସ୍ବୁକ୍ରେ ଏକ ପୁରୁଣା ଭିଡିଓ ପୋଷ୍ଟ କରି ୟାସିର୍ ଲେଖିଛନ୍ତି, ମୁଁ ପ୍ରଥମେ ମୋ ଜେଜେ ମା’ଙ୍କଠାରୁ ସ୍ତନ୍ୟପାନ ସଂପର୍କ ବିଷୟରେ ଶୁଣିଥିଲି । ଏହା ପରେ ପରେ ମୁଁ ମୋ ବାପା-ମା’ ତାଙ୍କ ବନ୍ଧୁଙ୍କଠାରୁ କ୍ଷୀର ସଂପର୍କର ଅନେକ କାହାଣୀ ଜାଣିବାକୁ ପାଇଥିଲି । ମୋ ବାପାଙ୍କୁ ସେ ସମୟରେ ଦୁଇ ହିନ୍ଦୁ ମହିଳା ସ୍ତନ୍ୟପାନ କରାଇଥିଲେ । ମୋର ଅନେକ ଦାଦାଙ୍କୁ ମଧ୍ୟ ହିନ୍ଦୁ ମହିଳାମାନେ ସ୍ତନ୍ୟପାନ କରାଇଥିବା ମୁଁ ଶୁଣିଥିିଲି । କିଛି ହିନ୍ଦୁ ଧର୍ମର ଶିଶୁ ମଧ୍ୟ ମୁସ୍ଲିମ୍ ମହିଳାଙ୍କଠାରୁ ସ୍ତନ୍ୟପାନ କରିଥିଲେ ।
ତେବେ ଏଭଳି ହେବା ପଛରେ ଅନେକ କାରଣ ରହିଛି । ସେ ସମୟରେ ଅନେକ ହିନ୍ଦୁ ମହିଳା ମୁସ୍ଲିମ୍ ପରିବାରରେ ଘରୋଇ କାମ କରୁଥିଲେ । ସେ ସମୟରେ ମୁସ୍ଲିମ୍ ମହିଳାଙ୍କର ଏକାଧିକ ଶିଶୁ ଥିବାରୁ ସେମାନଙ୍କୁ ପଡ଼ୋଶୀ ମହିଳା ବା ଘରେ କାମ କରୁଥିବା ମହିଳାଙ୍କ ଦ୍ୱାରା ସ୍ତନ୍ୟପାନ କରାଯାଉଥିଲା । ଏହା ସହ ଯେଉଁ ଶିଶୁମାନଙ୍କ ମା’ ନଥିଲେ, ସେମାନଙ୍କୁ ମଧ୍ୟ ଅନ୍ୟ ଧର୍ମର ମହିଳା ସ୍ତନ୍ୟପାନ କରାଉଥିଲେ ।