ନୂଆଦିଲ୍ଲୀ : ପୁଣି ଥରେ ଆରମ୍ଭ ହେବାକୁ ଯାଉଛି କୁଳଭୂଷଣ ଯାଦବ ମାମଲାର ଶୁଣାଣି। କୁଳଭୂଷଣ ଯାଦବ ମାମଲାରେ ଭାରତ ଓ ପାକିସ୍ତାନ ଅନ୍ତର୍ଜାତୀୟ ନ୍ୟାୟ ଅଦାଲତରେ ଆସନ୍ତା ସପ୍ତାହରେ ପୁଣି ଥରେ ପରସ୍ପରର ସାମନା କରିବେ । ଯାଦବଙ୍କୁ ନ୍ୟାୟ ଦେବା ପାଇଁ ଭାରତ ଇଣ୍ଟରନ୍ୟାସନାଲ କୋର୍ଟ ଅଫ୍ ଜଷ୍ଟିସରେ ବଡ ଲଢ଼େଇ ଲଢ଼ିବାକୁ ପ୍ରସ୍ତୁତ ଅଛି । ୧୮ ଫେବୃୟାରୀରୁ ସଂଯୁକ୍ତ ରାଷ୍ଟ୍ରର ଅନ୍ତର୍ଜାତୀୟ କୋର୍ଟରେ ୪ଦିନ ପର୍ଯ୍ୟନ୍ତ ମାମଲାର ଶୁଣାଣି ହେବ ।
Sambad is now on WhatsApp
Join and get latest news updates delivered to you via WhatsApp
ଶୁଣାଣିର ଆରମ୍ଭ ଭାରତ ପକ୍ଷରୁ ହେବ, ସେଇଠି ପାକିସ୍ତାନ ତାର ପରଦିନ ଅର୍ଥାତ୍ ୧୯ ଫେବୃୟାରୀରେ ନିଜ ପକ୍ଷ ରଖିବ । ୨୦ ଫେବୃୟାରରେ ଦ୍ୱିତୀୟ ରାଉଣ୍ଡରେ ପାକିସ୍ତାନ ଦ୍ୱାରା ରଖାଯାଇଥିବା ପକ୍ଷ ଉପରେ ଭାରତ ଜବାବ ଦେବ । ସେଇଠି ପାକିସ୍ତାନକୁ ଏହି ଅବସର ୨୧ ଫେବୃୟାରୀରେ ମିଳିବ । କୁଳଭୂଷଣ ଯାଦବ ଭାରତୀୟ ନାଗରିକ । ପାକ୍ର ଗୁପ୍ତ ଏଜେନ୍ସି ଆଇଏସଆଇ ଯାଦବଙ୍କ ଅପହରଣ ଇରାନରୁ କରିଥିଲା । ପରେ ପାକିସ୍ତାନକୁ ମିଲିଟ୍ରି କୋର୍ଟ ତାଙ୍କୁ ଗୁପ୍ତଚର ଆଖ୍ୟା ଦେଇ ମୃତ୍ୟୁ ଦଣ୍ଡରେ ଦଣ୍ଡିତ କରିଥିଲା ।
୨୫ ମାର୍ଚ୍ଚ ୨୦୧୬ରୁ ଭାରତ ଲଗାତାର ଯାଦବଙ୍କ କାନ୍ସୁଲାର ଏକ୍ସେସ ଦାବି କରୁଛି । ୨୦୧୬ରେ ହିଁ ପାକ୍ ଭାରତୀୟ ଉଚ୍ଚ ଆୟାଗକୁ ଯାଦବଙ୍କ ଗିରଫ ସୂଚନା ମିଳିଥିଲା । କିନ୍ତୁ ଏପର୍ଯ୍ୟନ୍ତ ପାକିସ୍ତାନ ଯାଦବଙ୍କ କାନ୍ସୁଲାର ଏକ୍ସେସ ଦେଲାନି । କାନ୍ସୁଲାର ଏକ୍ସେସ ନଦେବା ପଛରେ ପାକିସ୍ତାନ ଯାଦବଙ୍କୁ ଗୁପ୍ତଚର ଆଖ୍ୟା ଦେଉଛି ।
କୁଳଭୂଷଣ ମାମଲାରେ କେବେ କ’ଣ ହୋଇଥିଲା ?
୨୫ ମାର୍ଚ୍ଚ ୨୦୧୬ : ଭାରତକୁ ଯାଦବ ହିରାସତରେ ଥିବା ସୂଚନା ମିଳିଥିଲା ।
୧୦ ଏପ୍ରିଲ ୨୦୧୭ : ପାକିସ୍ତାନର ମିଲିଟ୍ରି କୋର୍ଟ ଯାଦବଙ୍କୁ ମୃତ୍ୟୁ ଦଣ୍ଡ ଶୁଣାଇଥିଲା ।
୮ ମେ ୨୦୧୭ : ଭାରତ ଆଇସିଜେର ଦ୍ୱାରସ୍ଥ ହେଲା।
୧୫ ମେ ୨୦୧୭ : ମାମଲାର ଶୁଣାଣି ହେଲା।
୧୮ ମେ ୨୦୧୭ : ଆଇସିଜେ ଫାଶୀ ଉପରେ ରୋକ୍ ଲଗାଇଲା।
୨୫ ଡିସେମ୍ବର ୨୦୧୭ : ଯାଦବଙ୍କ ମାଆ ଓ ପତ୍ନୀ ପାକ୍ ଯାଇ ଯାଦବଙ୍କୁ ଭେଟିଥିଲେ।
୨୮ ଡିସେମ୍ବର ୨୦୧୭ : ବିଦେଶ ମନ୍ତ୍ରୀ ସୁଷମା ସ୍ୱରାଜ ଏହି ସାକ୍ଷାତକାରର ସୂଚନା ସଂସଦରେ ଦେଲେ।