ପ୍ରୟାଗରାଜ୍: ଭାରତୀୟ ଜନତା ପାର୍ଟି (ବିଜେପି)ର ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହା, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସମେତ ବିଜେପିର ଅନ୍ୟ ବହୁ ନେତା ଆଜି କୁମ୍ଭ ସଂକ୍ରାନ୍ତି ଅବସରରେ ପ୍ରୟାଗରାଜର ସଙ୍ଗମ ଠାରେ ପବିତ୍ର କୁମ୍ଭ ବୁଡ଼ ପକାଇଛନ୍ତି। କୁମ୍ଭ ବୁଡ଼ ପକାଇ ସାରିବା ପରେ ଅମିତ ଶାହା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ମିଶି ସଙ୍ଗମ ଠାରେ ‘ଆରତୀ’ କରିଥିଲେ। ଏହାପରେ ଅମିତ ଶାହା ଓ ଯୋଗୀ ଆଦିତ୍ୟନାଥ କୁମ୍ଭ ମେଳାକୁ ଆସିଥିବା ସାଧୁ ସନ୍ଥମାନଙ୍କ ନିକଟକୁ ଯାଇ ସେମାନଙ୍କ ଠାରୁ ଆଶୀର୍ବାଦ ଗ୍ରହଣ କରିଥିଲେ।
Sambad is now on WhatsApp
Join and get latest news updates delivered to you via WhatsApp
#WATCH: BJP President Amit Shah, CM Yogi Adityanath and other leaders take holy dip at #KumbhMela in Prayagraj. pic.twitter.com/3mfg9AllFx
— ANI UP (@ANINewsUP) February 13, 2019
ଗତ ଜାନୁଆରି ୧୫, ମକର ସଂକ୍ରାନ୍ତି ଠାରୁ ଆରମ୍ଭ ହୋଇଥିବା କୁମ୍ଭ ବୁଡ଼ ଆସନ୍ତା ମାର୍ଚ୍ଚ ୪ ତାରିଖ ମହାଶିବ ରାତ୍ରି ଦିନ ଶେଷ ହେବ। ତେବେ, ଚଳିତ ବର୍ଷର କୁମ୍ଭ ବୁଡ଼ ଶେଷ ପୂର୍ବରୁ ଆଉ ଏକ ପବିତ୍ର ବୁଡ଼ ବା ସାହି ସ୍ନାନ ଆସନ୍ତା ୧୯ ତାରଖରେ ପବିତ୍ର ମାଘ ପୂର୍ଣ୍ଣମୀରେ ଆୟୋଜିତ ହେବ। ଅଦ୍ୟବଧି ଶେଷ ହୋଇ ଥିବା ୩ଟି ସାହି ସ୍ନାନରେ ପ୍ରାୟ ୯ କୋଟିରୁ ଅଧିକ ଶ୍ରଦ୍ଧାଳୁ କୁମ୍ଭରେ ବୁଡ଼ ପକାଇଥିବା ଜାଣିବାକୁ ମିଳିଛି।