ସୂଚନା ଅଧିକାର ଆଇନର ଅନ୍ତର୍ଭୁକ୍ତ ହେବ ବିସିସିଆଇ, ଲ’ କମିଶନର ସୁପାରିଶ
ନୂଆଦିଲ୍ଲୀ: ବିଶ୍ୱର ସବୁଠୁ ଧନୀ କ୍ରୀଡ଼ ସଂଗଠନ ମଧ୍ୟରେ ଅନ୍ୟତମ ବିସିସିଆଇର ସମସ୍ୟା ବଢିବାକୁ ଯାଉଛି । କାରଣ ବିସିସିଆଇକୁ ସୂଚନା ଅଧିକାର ଆଇନର ଅନ୍ତର୍ଭୁକ୍ତ କରିବାକୁ ଲ’ କମିଶନ କେନ୍ଦ୍ର ସରକାରଙ୍କୁ ସୁପାରିଶ କରିଛି । ଏହାଛଡ଼ା ବିସିସିଆଇରେ ବଡ଼ଧରଣର ସାଂଗଠନିକ ପରିବର୍ତ୍ତନ କରିବାକୁ ମଧ୍ୟ ଏହି ସୁପାରିଶରେ କୁହାଯାଇଛି । ବିସିସିଆଇକୁ ଏକ ସର୍ବସାଧାରଣ ପ୍ରତିଷ୍ଠାନର ମାନ୍ୟତା ଦିଆଯାଉ । ଏହାକୁ ଜାତୀୟ କ୍ରୀଡ଼ା ଫେଡେରେସନର ମାନ୍ୟତା ଦିଆଯାଉ । ବିସିସିଆଇ ବିରୋଧରେ କୌଣସି ଅବିଯୋଗ ଥିଲେ ଲୋକମାନେ ତାହାକୁ କୋର୍ଟରେ ଅପିଲ କରିପାରିବେ । ଏପରିକି ମାନବ ଅଧିକାର ଉଲ୍ଲଙ୍ଘନ ସମ୍ପର୍କିତ ସମସ୍ୟା ଥିଲେ ମଧ୍ୟ ସେ ପ୍ରସଙ୍ଗରେ କୋର୍ଟରେ ଅଭିଯୋଗ କରାଯାଇପାରିବ । କେନ୍ଦ୍ର ସରକାର ଲ କମିଶନର ଏସବୁ ସୁପାରିଶ ମାନିନେଲେ ବିସିସିଆଇରେ ଏକ ବଡ଼ ଧରଣର ପରିବର୍ତ୍ତନ ଦେଖିବାକୁ ମିଳିପାରେ ।
Sambad is now on WhatsApp
Join and get latest news updates delivered to you via WhatsApp
ବିସିସିଆଇକୁ ଯଦି ସରକାର ଏକ ସର୍ବସାଧାରଣ ପ୍ରତିଷ୍ଠାନର ମାନ୍ୟତା ଦିଅନ୍ତି, ତେବେ ଲୋକମାନେ ବିବିସିସିଆଇର କୌଣସି ନିଷ୍ପତ୍ତି (ଯେପରିକି ଚୟନ ପ୍ରକ୍ରିୟା ଇତ୍ୟାଦି)ରେ ଅସନ୍ତୁଷ୍ଟ ହେଲେ କୋର୍ଟରେ ଏକ ଜନସ୍ୱାର୍ଥ ମାମଲା ଦାଏର କରିପାରିବେ । ବିଏସ ଚୌହାନଙ୍କ ଅଧ୍ୟକ୍ଷତାରେ ଥିବା ଲ କମିଶନ ଗତ କାଲି କେନ୍ଦ୍ର ସରକାରଙ୍କୁ ନିଜର ୧୨୪ ପୃଷ୍ଠା ସମ୍ବଳିତ ସୁପାରିଶ ପତ୍ର ପଠାଇଛି ।